[align=center]
ممدوح المسطح000الشاعر المسكون بالابداع
صاحب المفردات الجزله...والمعاني الجميله
هو من كتب هذه القصيده الرائعه ....
تزهب ياقصيدي وانت لك بيد وسبع عدود
مداهيلك شمالين 000مداهيله شماليـــــه
عصبتك ياعصابة راسي اللي فيه طنخت وزود
وترى الطرقي يجي طرقي وكل الناس طرقيه
خذ البندق مع المحزم مدام ان الجبال السنود
تولم لعنبو جد القصيد0000 ولعنبو حيــــــه
على قلبي تهب النود نود من وراها نود
طواريق تصافق كنها الطيه ورى الطيه
فرقناها مثل فرق الحشو عن فرقة المفرود
وسمناها ..مطاريق ..حلقتين..وفوقهن كيه
يقولون العرب جنب خبيث الطبع والمقرود
خلق ربك عباد كل ما سجوا على النيـه
وأنا ومنين مالديت جاني واحد ملدود
يشيل السم في كفه00وكف فيه شبريه
مطافيس الرجال اللي يحسبون الزمان سهود
مدابيح الرقاب اللي تساوق سوقة الغيه
يكب الطيب من عافه واذا باعه عليه شهود
تدورون (الرحا) وادري وش اللي صاير فيه
وسيع بطان وادري بالوغا ياريحة العبرود
يعاف الحرب من يعرف هل الفزعات والهيه
على عيطا الجزايل وان عطينا مانبي مردود
عليك الله وأمانه قلنا ياجــــرة الحيـــــه
هنا الحبل انبرم ظلمن قفاه من الزمان جحود
وحرامية (علي بابا) على خبري حرامــيه
غدوا قوم عريبه جـدها جـد يكـف جـدود
شجرهم لو تفرعن مانبي لغصونهم فيه
يموت الشك لكن ما يموت الجرح بالمظهود
تشبون الفتايل 000والفتايل نارها حيــه
تلاعج بالسماء برق يحن ولا سمعت الرعود
مذايير الهوا وان ودتـه باكر يجي زيـــه
وأنا والله لو موتي دنا ما لد بالمقرود
على الله والمـداهيل الشماليه000شماليه
تقبلو
تحياتي
ألأعـ ـمـ ـاق
[/align]
مواقع النشر (المفضلة)