[align=justify]السلام عليكم ورحمة الله وبركاته
كيفكم ؟
القصة :
كنت انا وواحد من اخوياي نشبك من جهاز واحد ,, طبعاً الجهاز ذا لي ,, ولكن حاطة في الإستراحة عشان اشبك واترك الجهاز وهو يقعد فيها ويشبك ويتسلى .. عشان كذا اترك الجهاز ..
طبعاً كنت انا وياهـ في منتدى ,, وكنا نشارك ومعنا أعضاء من بداية الموقع لين صار الموقع كبير .. كانوا الأعضاء أغلبهم يد وحدهـ ما نفرق بين جديد ولا قديم .. طبعاً زي ما تشوفون المنتديات كل واحد يرد عليك وإنك قلم مبدع ومميز وتنفقد بسرعه ,, هذا الكلام شفته من كثير ..
جيت مرة ودخلت سجل المحادثات وقسم بالله العظيم بس دخلت وسويت بحث وكتبت اسمي وسويت بحث عليه في المحادثة لقيت خويي ووحدهـ مسوي لها توقيع وكاتبة في التوقيع يعطيك العافية يا فلان على التوقيع .. كاتبين فوق 40 سطر كله حش فيني ,, انا ماهمني البنت وكلامها .. كثر ما همني خويي يوم يسب فيني عشان رضاء البنت.. وقتها حقدت على البنات بشكل غير طبيعي .. وبنفس الوقت صرت ما اثق في احد .. وطلعت من المنتدى ..
دخلت موقع وقعدت 3 شهور وعرفت الزين عن طريقة وجيت للزين .. ولا زلت لا اثق في أحد .. اضافني كذا واحد والله كثير واي واحد يضيفني يقول إني في المنتدى فرق عن المسن بنسبة 90 % .. يعني اي واحد يضيفني احسبوا له 5 دقايق اسلوبي معه إن ما خلاهـ يحذفني يقتلني ويلعن خيري ..
يعني خويي متقاسمين الجهاز بينا وناكل من صحن واحد سوا فيني كذا أجل كيف اللي ما يجمعني معه الا سلك تلفون !! ..
اسالتي :
وش فيه خويي قلب علي ؟!
بنت الذينا يومنها ما تدانيني وراها تجاملني ومسوية منافقة في المنتدى ؟! هل تبين إنها البنت الحلوة عند الأعضاء وتقطع فيهم ؟! المشكلة حتى مدير الموقع ما سلم منها.. يلعن ابو التشبيك الغبي يذبون في الأعضاء
تهقون الحالة ذي كثيرة ولا بس الحش فيني انا ؟!
والله جد ما اثق في أحد وش السوات ؟
ملاحظين إن يوم الجمعه من كثر ما يجي صار كنه كل يومين بعدها يوم جمعه
بآريس $222[/align]
المشاركة الأصلية كتبت بواسطة وليفة الروح
مواقع النشر (المفضلة)