إيه جوالي العنيد ! واللي براسه شي يقوله
(( قصه خبله))
القصه بطوله :
1/اشين واحد
2/ جوال العنيد
ههههههههههههههههههههههههههه-----------------------------------------
في صباح يوم مشرق ومع إطلاله يوم جديد زبطت نفسي كأي شاب سعودي رايح للسوق عشان يكشخ ويتميلح على هالصباحيه
وكنت ناوي اروح للتميمي ( السيفيوي ) اللي قدام بوابه جامعه الملك سعود عشان افطر هناك يعنني مسوي كاشخ وولد نعمه ما افطر الا كوروسان ودونات ومن ذي الحركات .
المهم طلعت من بيتنا وحطيت والي العنيد بدرج السياره عشان ما اصير مضحكه للي رايح والي جاي بسبب جوالي الزفت خخخخخخخ . المهم رحت وفطرت وتميلحت وانواع المهايط والاستعراض وانواع استخفاف الدم . عقبها ركبت سيارتي ودخلت مع بوابه الجامعه كأي شاب قاعد يحفر بالجامعه سنين وبنين ولا قدر يتخرج حتى انهم اعطوه أقديمه بالجامعه وصار عريف بكل قاعه يدخلها . وخلال مشواري للكليه لازم نمر على المستشفى الجامعي على نقزقز ونكحّل <متعوداااا دايمآ خخخخخ . وبينما كنت في طريقي وانا منشغل بتزبط الشماغ وتعديل المرزاز وتمشيط الشنب لم انتبه للتريله اللتي كانت تقطع الشارع .
وحصل مالك يكن في الحسبان . نعم صدمت التريله . وجاء الاسعاف وقوات الطواري وكل القطاعات العسكريه لانقاذي << يحلفون انك قعدت 3 ساعات الين ما جوك.
الموهم تم قشّي الى المستشفى ودخلت في غرفه العنايه المركزه . وتم أبلاغ والدني واخواني لكي يأتون الي ويتطمنو علي .
وعندما دخل ابي الى غرفتي فتحت عيوني الناعسه والمتعبه وقعدت ابحلق فيه
وجدته يبكي وهو في حال يرثى لها. ووجدت اخواني ماسكينه وهو هائج وكان ناصيني بالعقال يريد ان يمحطني تمحيطا ويتمردغ في بنطي . وكان ابي يقول لي وهو في هذه الحال : اللهي لعن يا السرسري يا السربوت تونا ما خلصنا قسوط السياره الا وانت صادم فيها << يسمع بحنان الأب << السياره أغلى مني
وقدت وجدت أن ابي قد اغدق علي من سعابيله من كثر ما تفل علي حتى ان السيستر دخلت غرفتي ببدله غوص
المهم عدت الايام بسرعه وخرجت من المستشفى وكان كل همي اني ارجع واشيّك
جيت وفتحت الجوال وبديت ادور . شوي والا سمعت واحد يقول لي محد دق علي يا الزلابه !! :malak:
طالعت يميني ويساري وما لقيت احد جيت وسميت بالله وتعوذت من ابليس وقلت اكيد ذي وساوس وهلوسه من عقب الحادث ورجعت اكمل شغلي وادور
شوي ورجع ذاك الصوت وقال : ما تفهم يا درج ما تفهم يا بقره ما احد دق الله ابوك
جيت واستجمعت شجاعتي وقلت له : من أنت ؟؟ ووش تبي ؟
قال لي : ابوك يا الحنس وش فيك تطالع فوق ويمين يسار ؟؟ مسوي فيها بيطلع لك مارد ويقول شبيك لبيك ؟؟ طالع بين ايدينك يا ورع انا اللي اكلمك ههههههههههه
وطالعت وما لقيت الا جوالي . ايه جوالي العنيد ما غيره يكلمني . في أول الامر حسبت اني اهلوس . بس مع التفكير والتدقيق اكتشفت ان طلعت لي موهبه وصرت اقدر اتفاهم مع جوالي واسولف معه .1(
المهم توطدت علاقتي مع جوالي وصرت ما اروح مكان الا وهو معي . وفي أحد المرات عندما كنت افرفر بأحد الأسواق لقيت جوالي يسحب سروالي ويقول : هيه يا دب طالع يمين يلعن ام الصيده . جيت وطالعت وما لقيت الا عبده . جيت ومسكته وتوسدت بطنه ولعنت سلسفيه وقلت الله ابوك يا الذوق . ما لقيت الا عبده
قال لي : يا الزلابه لا تطالع العبده طالع الجوال اللي بيدها . تكفى قردنه لي ودي شبكه واللي يرحم والدينك ( وكان الجوال اللي بيدها جوال فيصليه لونه أحمر ومنقط ببرتقالي وبنفسجي << يلعن ام الذوق ) 1(
المهم ما رديته ورقمت العبده . رجعت للبيت وما امداني ادخل لقيت 17 مكالمه لم يرد عليها من العبده << تحسونها متحمسه واول مره واحد يعطيها وجهه . جيت ودقيت عليها وردت علي
اشين: الووه
العبده : الوووه << بصوت جهوري يخرّع
اشين : سمي يا أختي أي خدمه << اخس يا ثقل
العبده : هذا جوال أبير ( عبير ) ؟
اشين:أصير لك أبير ( عبير ) يا شيخه
العبده : هههههههههههههههه يلعن أبوك انت كفيف دم ( خفيف دم ) << يلعن ام المزح الجلف << وشو يلعن ابوك ؟؟ يقال له خقت الحين خخخخخخخخخخ1(
جيت وبدينا سواليف رمنسيه وحنان ودلع ومرت ساعه وعقبها ساعه ونص وعقبها ساعتين شوي الا جوالي قال لي يكفي رضاعه يا الملعون الله أبوك ما تركت مكان فيني الا صكيته بوسه هيه وش شايفني ؟ شاذ انا ؟ ترانا نعرف حركات النسيم ومدري وشو اركد ولا قسم لانادي عيال عمي يلععنون والدينك
جيت وصرفت العبده وزبطت وضعي معاها عشان اكلمها بعدين وكل ذا عشان خاطر عيون جوالي العنيد الحبيب
بعدها بكم يوم انعزمت بأستراحه شباب : جيت اخذت جوالي ورحنا لهم دخلت عليهم وسلمت وجلسنا . جيت وحطيت جوالي عالطاوله جنب جوال خويي . وما صدقو احطه الا بدا انواع الذب والتسفيل على جوالي القديم
وارتفع ضغط جوالي : شوي وقال لي امسك اخوياك لاجي العن والدينهم ترا الحشمه لك موب لهم << يلعن شكلك يا شديد :malak:
عقبها وبعد محاولات قدرت اغير الموضوع وخليتهم يلعبون كوره عشان ما يتحرشون في جوالي مره ثانيه
وبدينا نلعب كوره وبدى جوالي يشجع وانا اتحمس ويشجع وانا اتحمس الين من زود الحماس شت الكوره بوجهه وبدى يعطيني ارشادات ونصايح <<< مسوي زاقالو هالجوال الزفت ( زاقالو = مدرب البرازيل زمان أول ) خخخخخخخخخخ تعريف خطير صح
وبعد الكوره نزلنا المسبح وبدينا نسبح شوي والا جوالي يناديني
قلت له وش فيك يا قلبي امرني قال لي تكفى ابي انزل المسبح ياخي من زمان ودي اسبح قلت له ياخي لو نزلت المويه انت بتخرب
قال لي على الاقل خلني جنب المسبح شوي الموهم بعد عمليات اقناع كثيره وافقت اني اخليه يجلس جنب المسبح وينزل رجوله بالمويه << قلنا جوال يتكلم مشيناها الحين حطيت له رجول يلعن ام الخيال الخايس :mbartm:
الموهم نزلت اسبح ولهيت عنه وبدون ما احس زلق جوالي بالمسبح وما انتبهت له شوي وادور عليه لقيته تحت غاطس متعلق بسروالي جيت طلعته وكان على اخر رمق : وطلعته وسويت تنفس صناعي ولا فاد وحطيته قدام المكيف ولا فاد : وبالنهايه قال لي جوالي لا تتعب نفسك وانا اخوك خلاص انا بموت وكلنا على ذا الطريق :zalan: بس اهم شي لا تنسى اللحظات الحلوه اللي بينا ولا تنسى الأشياء اللي سويناها سوا وتكفى تكفى لا تنساني . ولفظ انفاسه الاخيره . ايه مات جوالي . مات بعد مسيره من العطاء والكفاح الطويل في التشبيك والمغازل . طلعت من الاستراحه حزين وزعلان ومريت جنب اقرب درام زباله ورميته فيه << يسمع بالوفاء هاللحجي ههههههههههههههههههههه
وبهذا انتهت قصه حب وصداقه كُتبت بماء الذهب << وشو ماء الذهب ؟؟ مسوي كاتب سيره احد الصحابه ؟ تراه موضوع بالقهوه ؟ لا يكثر بس خخخخخخخخ
تحياتي لكم
عمل الطالب
اشين واحد1(
مواقع النشر (المفضلة)