أول شي أنا ماكنت بكتب ذالموضوع لأنه صارلي ساعه أحط على موضوع جديد مايفتح أسوي تحديث مافيه فايده
واللي يقهر إنه يفتح من فوق ومن تحت مايفتح مدري ليه
بس ولد عمي مسكني وهداني وقالي أنت روح وإذا فتح دقيت عليك
وفعلا رحت بس الغبي طلع جواله إستقبال بس ماقصر راح وسدد جواله من الصراف ودق علي بس تصدقون إنه غبي لو إنه دق من كبينه أحسله ههههههههههههههههه
الـــــــمـــــــهــــــــــم
اتسذب بوش ما به الا العافيه جعله للمرض الي يفتت عظامه تفتيت وهو حي
ويقعد على فراش المرض كثر عمره الي راح وكل يوم يكتشفون به مرض جديد
وكلهم مالهم علاج و يجيه مرض نفسي زود يخليه يحس بالمرض دبل
_\/_\/_\/_\/_
يقول لكم الاشاعات تنتشر بسرعه كسرعة النار في الهشيم وانا ابي انشر هالاشاعه
كنوع من الحرب النفسيه ضد بوش دامنا ما نقدر عليه بالحرب الي موب نفسية
\
/
\
/
ماسكه معي اكتب وش اكتب ماادري يعني تخيلوا بدل ما تضغطون اضافة رد ضغطتوا
اضافة موضوع وإبتلشتوا وش تكتبون
ترا الخرابيط الي بكتبها من راسي للكيبورد <<اجل منين المهم يعني جايتكم بدون
صفصفه وترتيب وتنظيم
\
/
\
/
الاشاعه !
الاشاعات هي اكثر الاخبار انتشار ومعروف ان الاشاعه هي عبارة عن خبر تسذبي<<<< تــعــريف علمي بحت
طيب السؤال ورى الاخبار العاديه ما تنتشر والاشاعات تنتشر ؟
السبب ان الاشاعه هي عبارة خبر مستحيل الحدوث يعني مثلا:
طــويــلــة الــعــمــر تكتب مواضيع إقلاعيه في منتدى الهبال والصرقعه << هذا خبر عادي وما راح ينتشر
شوفوا الاشاعه :
طــويــلــة الــعــمر تكتب مواضيع في المنتدى العام تهتم بالأسره << هذي اشاعة
بس السؤال هنا من المستفيد من نشر الاشاعات ! اكيد الي ناشرها صح ؟
طيب حنا وش نستفيد اذا نشرناها
وبقولكم إشــاعـــات صارتلي أنا
اشاعات .. اشاعات.. اشاعات مافي احد مشهور ما تطفشه الاشاعات حتى جهيران ما سلم منها ..اجل تصدقون سامع اشاعه تقول ان جهيران بنت !! واللي قاهرني جريده (نتحفظ بذكر اسمها) حاطين صور لرئيس التحرير وهو حاط جبس على رجوله وشاش على وجهه من كثر الاشاعات والنصبات اللي يطلعلها ...((صحيح يترزق الله بس مو على حسابنا يا حماار )) واذكر مره كنت اتصفح بمجله والقى عنوان مكتوب فيه حوار مع الــمــحــامــي .. ولا اذكر ان احد جاني وسوا معاي حوار المهم جلست اقرا وشكاتبين ...قهروني قسم بالله.. جلسوو يكتبون اسئله على كيفهم ويردوون على كيفهم بس مت ضحك على عنوان مكتوب علي((المحامي امنيه كل حرمه))<----- يقالهم جابو شي جديد وسمعت اشاعه مالي دخل فيها ان الجوازات السعوديه صادو طويلة العمر في لندن (نتحفظ باسم الجيزاني اللي قايلها) السالفه الوحيده الي كانت صدق وخلووها اشاعه ..اني قايل حطوو وجهي ايقونه بالمنتدى وراح ادعم هالمنتدى وفي اشاعه عجبتني ان بيني وبين نانسي عجرم علاقه حب ..هذي الاشاعات ولا بلاش اما انا في آخر اشاعه طلعتلي ...اني حامل ..نتحفظ باسم الجريده.... بس سالفتي اني حامل ما سكت عنها واخذت حقي وخليت اللي كاتب الخبر يصير حامل
اجل تصدقون سمعت انهم يقولون ان هيفا وهبي تقربلي
\
/
\
/
السودانيين كسلانين وحريمهم تقول ناطحات سحاب ( يعني إنتبه لاتحرش فيهم )
قبل كم يوم كنت بالسوق وداخل محل كبر طعس هافمون و على كبره الا ان فيه ثلاث سودانيات
حاجبات الرؤيه عنا من كبرهم وطولهم
وحده منهم معها عربة اطفال فاضيه ما دريت الا ولد عمره يمكن خمس سنين
جاي يركض ومير يلبط فيها حنا من يوم يعرف البزر يمشي نمسك ايده وما غير نتلتله
ما اعتقد كلها حنيه بالسودانيين الا كساله وزود عجز
واغلب حريمهم يشتغلون نقاشات حناء تلاقونها بس قاعدات وما غير يرسمن ويخربطن بأيدين الخلق
وكل ابو رسمهن ورده و اذا طولت بالسعوديه رسمت عسيب نخله
\
/
\
/
وش تردون عليها !!!
من مدة كنت طالع للسوق وكنت واقف عند كوفي شوب أطلب كابتشيو <<< ترى توه يعرف الكابتشينو
وجنبي بنت صغيره يمكن عمرها تسع سنين وأنا كنت أطالع في البنت وأضحك حليلها بنوته حلوه <<< قلبه طيب هههه
وتجي وحده لابسه عباية مخصره والاكمام شيفون مشكوك والعيون مكحوله والبرقع ابيض فايضتن
عليه بقايا المكياج وحاطه مناكير عنابيه ولابسه خواتمها وخواتم خواتها
وشنطتها الي تقول سندويشة لابسه كمامه من زود ما هي لاصقه بكتفها <<<< يدقق واجد ههههههه
تدرون وش قالت لي قالت : حرام عليتك غط اختك عدل
\
/
\
/
موقف سخيف
كنا في اجتماع عائلي وقاعدين نسولف وكل واحد يحفلها في الثاني ووناسة وفلة حجاج
وكان معنا عيال خالة ولد عمي <<تحسون مشوار اللي مافهم يقولي
وفي ظل هالوناسة والانمبساط واذ فجأتن واحد من عيال خالة ولد عمي يسأل
واحد من عيال عمي بعد ما عرف قسمه بالكلية : ليه أخترت هالقسم بالذات ؟
رد عليه الغثيث : اعتقد هذا شي ما يخصتك
يعني ما احترم ان هالولد ضيف علينا وتقريبا اول مره يشوفه وغير هذا
المفروض يرد بشكل افضل !!
طبعا أنا كانت ردت فعلي هي / خذيت عقاله من فوق راسه وجلدته جلد ماينساه طول عمره
طبعا انا ماخذيت عقالي عشان ماخربه توني شاريه ههههههههههه
موقف مثله بس غير
عندنا واحد بالقسم ملقووووف يعني في فيوز في راسه محترق من زود اللقافه والطفاقه
ويتدخل بكل شي يعني لو كنت اسولف مع واحد اقول له شلونك يرد هو علي ويقول
طيب ما تشوفه جاي اليوم
الولد ذا طيب وعلى نياته مره ، يحسب كل الناس مثله لذلك تعامله مع الناس واحد
وكل الشباب عنده أصدقاءه ويمون عليهم . البعض ياخذون ويعطون معه والاغلبيه
يتجاهل وجوده
كانت ضحكته دايم تملى وجهه وماخذ الدنيا ببساطه لين جاء اليوم الي نكد عليه
واحد حمار
قال له : ترا ما احد يواطنك بالقاعه لانك ملقوف وتتدخل باشياء ما تعنيك
يكفي ترانا ملينا
الولد انصدم صدمه موب طبيعيه ما اتوقع هالكلام حاولنا نخفف عنه بس ما فيه
فايده ، حتى الولد اللي قال له هالكلام راح واعتذر منه وقال له كنت معصب
واسلوبك غصب ينرفز
طبعا الولد ماعتذر منه إلا عقب ماسويت فيه مثل ماسويت بولد عمي بس المشكله ماكان لابس عقال بس ماعليكم خربتها هالمره خذيت عقال واحد من العيال وجلدته فيه <<<<< مايجلد احد بعقاله عقاله غالي ههههههههه
بس الولد للحين ساكت وما يكلم احد صح ارتحنا من لقافته بس ولو يكسر الخاطر
حتى تدرون إني إستأجرت له سياره وخليته يفحط فيها عشان يرضى بس مافيه فايده والمشكله إنه صدم بالسياره وهي بإسمي وطبعا أنا اللي رحت فيها ههههههههههه
السؤال هاهنا ورى ما نصير لطيفين في الرد على الآخرين ؟ حتى لو ما لنا خلق نرد !!
\
/
\
/
باي مقياس تقيس تحضر الآخرين ؟<<<< والله أدري عرق البداوه موجود مهما كان ههههههه
صار مقياس التحضر عندنا بقدر عدد الكلمات الاجنبيه الي يعرفها
اغلب الشباب اللحين تلاقي كلمة عربيه وعشر انقليزي ولو تعرب الكلمة الانقليزيه
كلن قلب خشته تقل تافلن عليهم
يعني تخيلوا قبل امس واحد يسولف معي : ما تصدق يالمحامي اتز سووو سمبل اند بريفكت
تمنيتك معاي <<< طبعا أنا مافهمت إلى آخر كلمه بس الولد هذا قال كذا لأنه يداوم معنا بالجامعه بونيت 400 ويحس إن الشباب معنا ناقدين عليه عشانه بدوي قلتله خلك مثلي ولاعليك من أطلق شنب ترى ذولا اللي تشوفهم كلهم طعوس بس منظر
المشكله إن الولد تكوك وجا اليوم الثاني مداوم بالجامعه ومحمل معه شعير ههههههههههه
والا واحد مره بعزيمة كبيره خخخخخخخخخخخخخخخخخ <<كلما تذكرت هالموقف اموت ضحك
ولده يبي ينام وقاعد يبكي سأله واحد : وش فيه ولدك؟
قال : بووووه سليب
نتعلم لغة لكن ما نحوس لغتنا ويصير كلامنا مخربط مثل واحد اعرفه قعد بأمريكا سنة وست شهووووور
واذا جا يتكلم يقول : بليز عطني قطعة سويت امممممم اي مين قطعة حلى
ومن يوم جا من أمريكا ليومكم وهو على ذا الحال
\
/
\
/
رحم الله من اهدى الي عيوبي!
لما نطلب من احد يكون صريح ويقول لنا عيوبنا نزعل
من فترة سألني أبو شكيب<<صديقي قالي يالمحامي خلك صريح معي وقولي
عيوبي واوعدك ما ازعل بس حاب اعرف نفسي اكثر << تحمدو ربكم
قلت له بكل صراحه : يابو شكيب انت تهبل وما احد مثلك وذيب ورجال فيك خير بس عيبك الهياط الزايد
زعل علي وبيني وبينكم فرحت قلت اقل شي بيقعد له يومين ما يتصل عشان يمديني أقرآ كم كلمه من ذا الكتب اللي يعطونا بالجامعه جعل يسقى لمن خلصنا وتخرجنا ما دريت الا بالليل
الساعه ثلاث متصل علي يقول مو قادر انام وحنا متزاعلين <<طيب وراه انا ما طقيت لك خبر
ليه تطلب من الناس انها تكون صريحه معك /تس دامكم بتزعلون
\
/
\
/
مجاملة !
تطغى ( وتجي بمعني تغلب ) <<ما تحارش احد
المجاملات على الناس بحيث انها تلغي شخصياتهم و آرائهم مثال من النت ماحنا مبعدين :
نزل موضوع لشخصية كبيرة بالاقلاع والصرقعه أو أي قسم آخر او شخصيه معروفه والموضوع بايخ وسخيف ورغم هذا
تلقونه مثبت والي رادين ميتين ضحك والا كاتبين الموضوع مميز والفكرة جديده <<مع انه سبق طرحها
الف وستين مره
المصيبه تبي ترد على الموضوع مثل الخلق الي راده بس تبلش وش ترد عليه وش فكرة الموضوع اصلن
ولو رديت ان الموضوع عادي وما يستاهل كل هالضجه نطوا بكل بعض الاعضاء وخلوك ما تسوى خلاقينك
الي عليك
لذلك رد على الموضوع من نمونة : الوان الموضوع حلوه <<مع انه مكتوب بالاسود
وبالمقابل تلقى مواضيع حلوه لاعضاء جدد والردود اثنين ثلاثه بالكثير ويضيع الموضوع وما احد رد عليه
يعني والله قهر في اعضاء جدد والله مواضيعهم حلوه وتستاهل بس المشكله في بعض الأعضاء مايشوف الموضوع يشوف كاتب الموضوع
\
/
\
/
سؤؤؤؤال شخصي وللبنات فقط رجاء من الضبان لا يردون
بنات اذا طبختوا الرز شلون كل حبة تطلع لحالها انا اذا طبخته يطب جميع
الرز يقدر ثلاث كلمات: تضامن وتعاضد وتماسك
لا تقولون لي قلل الماء لاني مره قللته طلع للصحن صوت قرقشه
وابوي وعمي حالفين اني اسوي لهم كبسه هالاسبوع والا ما عادهم معبين لي بنزين لسيارتي
وأخوي متبري مني عقب كبسة الأسبوع اللي فات
لأنه أخوي كان طالع معنا هافمون أنا ومعي ثلاث من المهايطيه مسكت معهم مذاكره بهافمون وأنا مدري وش الله بلاني فيهم ونقز أخوي قال لازم أروح ولا بعلم أبوي إنك طالع طبعا أبوي يقول ذاكر ياولدي عشان ترفع راسي يعني مالها داعي أبوي يقول ذالكلام وأنا أطلع من هنا صعبه شوي المهم أحاول في ذالبزر قلتله بعطيك فلوس قال ماأبي طلع معه فلوس مدري من وين جايبها <<<< وأنا أقول ليه المكافأه ناقصه وأنا كنت برفع قضيه على الجامعه
قلتله بعطيك السياره مع إنه صدم فيها قبل يومين خرب شكلها الله يدبل تسبده إلا الولد صامل مافيه فايده
عاد خذيته معي وش أسوي
المهم يوم رحنا كانوا متجهين للمطعم عشان يحيبون عشا قلتلهم علي بالطلاق ماتجيبون عشا هم طبعا ستانسوا يفكرون إني بدفع الحساب
قلتلهم العزبه ورى فيها القدر والطماط والبطاطس والدجاجس(( يعني الدجاج بس على وزن بطاطس ))
والله سويتلهم ذيك الكبسه اللي ماذاقوا مثلها في حياتهم بس عقب ذالكبسه ماعاد دقوا علي ولا أدري وش السبب
وأخوي ذالنكبه قال لأبوي إني مسوي كبسه على كيف كيفك تحمس أبوي وقال إطبخ الله لايهينك وأنا ألحين متوهق
على فكره ترى أخوي ذا هو نفسه اللي خذيته معي يوم جيت أذبح الضحايا طبعا الموضوع نزلته ثاني أيام العيد اللي ماقراه يقراه الله لايهينه
إرعـــص هــنــيـــا
الـــفــــائــــده مــــن الــــمـــوضـــوع/
1. أدري الموضوع تقريبا ماله شغل بالعنوان بس الرجاجيل خلوا له شغل بالغصب
2. أبي أطلع إشاعه على بوش يمكن يركد شوي
3. إضافة معلومات جديده وسوالف ممتعه لكم
4. كنت زهقان شوي وأبي اسولف قلت أدخل المنتدى وأبربر فيه شوي
وسلامتكم سلامتن غانمتن جدن جدن جدااااااااااااااا
عسى ماطولت عليكم بس
أهم شي إنكم إستمتعتوا بالمويضيع(( تصغير موضوع )) <<<< أقول دحدرررها بس
تــ ــقــ ــديــ ــري وإحــ ــتــ ــرامــ ــي الــ ــكــ ــبــ ــيــ ــر
لــ ــلــ ــجــ ــمــ ــيــ ــع
أخـــ ــ ــ ــ ــوكــ ـــ ــ ــم
الــ ــمــ ــحــ ــامــ ــي
مواقع النشر (المفضلة)