صباحكم ,’ مساءكم
{ ذكــرى } ..
منذ المبطي القريب .. صارت تراودني أشياء مرت علي بحياتي ..!
ما أدري هي من نتائج الفضاوه والا ايش .. واللي شغلني انوو بوه نآس مثلي والا لا ..؟
صرت أحن للماضي كثيرررر :24ar: ..
يعني مع كل حدث أقول لو فلان الله يرحمه موجود ماصار هالشي ..!
ولما أسوي حاجه يمر ببالي نفس الشي اللي سويته ..!
أمر بمكان والا أتذكر مكان و أحن له كثيررر ..!
مع أني أعيش لحظتي من عرفتني < .. بس نتائج الفضاوه مثل ماقلت
..
أحيانا ً لما تسأل شخص : تذكر لما صار هالشي ..؟
يرد : عساني أذكر وش سويت أمس عشان أتذكر شي فآآآت ..! < -- تسنتس ماتسوينها
هالنوعيه يعيشون يومهم , مستقبلهم , لحظتهم , يحتفظون بشي قليل من ذكرياتهم ..!
ونآس لأ .. ذكرياتهم شغّاله معهم على طوول
..
تجيك لحظات لما تجلس مع أمك و أبوك تشوفهم يسولفون وتسولف معهم ..
يجي ببالك يالله قبل كم سنه كنت ماتهتم لسوالفهم ولا يطري عليك تسمع لهم ..!
ألحين تستمع لهم كثيرر خاصه لاصاروا يحكون عن ذكرياتهم :24ar: ..
..
عن نفسي لمّا أدخل بيت عماني وقت عيد اتذكر عيدنا وحنا صغار :24ar: ..!
يالله عن جد كان عيدنا غيرر .. احس محد يعيش عيد مثلي هذاك الوقت ..!
..
لما أسمع صوت باص برى أتذكر أيام الروضه .. وريحتها ..
شلون للذكريات ريحه .. ما أدري ..!
..
هالأشياء تتغير مع مرور الوقت .. وتتمنى رجعتها لو لحظات ..
في النهايه :
احكوا لنا شوي عن ذكرياتكم .. [ اماكنها , ريحتها , أحداثها , مواقفها ]
أي شي يربطكم فيها ..
خلونا نسترجع مع بعض لحظات حلوه أو مرّه عشتوها :24ar:
وبس قضينا < -- أبتلشت شلون تختم
لكـم
,’
مواقع النشر (المفضلة)