في يوم من الايام في وقت الظهيره بالتحديد---------------------------->اخسي كنت منسدح ومنبطح في الصاله تحت المكيف
الصحراوي وكنت مستل ( مستل =فاقد الوعي جزئيا)عقب الكبسه واللبن خلاص ما عاد احس.
يجي جدي ويجلس وانا سافه الرجال ومعطيه كووع واشوف جدي يتلوى (قلت لايكون فيه زايده هو وخشته ماجته الا الحين)
اثاري في قلبه سالفه تقرقع يبي يقولها قالي : يا حفيدي --------------------------->شكله بيكتب وصيته
قلت : هاه(قلتلكم مستل)
قال: هاه تشق حلقك ان شاء الله(خربت الاخلاق )قل سم.
قلت: سم
قال:آآآآآآآآآآآآآآه.
قلت افاااااااا وش فيك :sweatdrop (خفت انها الزايده لا يموت علينا ذا )
قال: اذكر يوم اني في عمرك.
قلت:بالله وش اسوي لك ---------------------------> يبي يتلسط بالعقال
قام خزني جدي بنظره والله ولا سكتون بغيت اروح ضحيه من ضحايا تسونامي.
قال :تدري قبل (ما اعرس ) على جدتك كنت احب لي وحده .
انا سمعت احب لي وحده نقزت من مكاني وراح التستيل اللي فيني تقول شارب لبن اكتيفيا واقول : هاه
قال:هواء
قلت في نفسي طبعا ( والله لو احد قالك اني رقمت كان ما اشوف الا قصف بالزبيريات)
الزبيريات = نعال ام اصبع---------------------------------->احلف
قال : شفتها شايلتن (القرصان)فوق راسها كان تشيل قلبي معاها
قلت في نفسي مره ثانيه (افاااااااااا جدي مراهق وانا مادري)
ويسترسل (بالطقاق والتكفيخ جبت يسترسل)جدي الحديث ويقول :عرفت بيتهم
قلت : وش اسمها قال: عمشاء
قلت : افاااااااا قال :تراب اسمع
قلت في نفسي مره ثالثه ( الشرهه ميب عليك الشرهه على اللي يسمعك
قال : قال عرفت بيتهم واقعد كل يوم في الليل تحت اللمبه اللي عند دريشتها--------------------->يقلع ابو الرومانسيه جدي مهوب سهل.
قلت : ياهوووووووووه يالرومانسي .
انا قلت الرومانسي كان تجيني نعله في عيني (قلت بدا القصف)غرغرت عيوني وشوي واصيح وجدي الا يكمل القصه
قال: قلي وش صار وانا قاعد اناشق : وش صار
قال :طلت علي قلت : اخيرا ما بغت
قال : اسكت لا تجيك النعله الثانيه . طبعا وبلا شك احترمت نفسي وانطميت
قال : طلت وقالت :هيه انت يالسلق والله لو ما ضفيت خشتك اللي كنها خشت تيس توه قايم من النوم لاانعن ابوك
انا مالي الا ولد عمي . يقول جدي تحطمت
انا قعدت اضحك واضحك (مستانس بالتهزيئه اللي خذها ) جاني فتق من كثر ما ضحكت
جدي شافني اضحك كان يمزع العقال على ظهري وطبعا صحت .
نصيحه :ا1ذاكنت حفيدا لا تاخذ وجهه زياده على جدك وتسوي خفيف دم والا سوف لن ترى النور لمده 4 ايام
اذا كنت جدا لا تقل قصصا لحفيدك اللي مسوي خفيف دم واذا احسست بمبادره استخفاف دم من حفيدك لا يردك الا الزبيريه اللي في رجلك او عقالك.
مواقع النشر (المفضلة)