بسم الله الرحمن الرحيم

قصيدة وين أنت ياللي ذابح القلب بالشوق ٢٠١٤

وين انت ياللي ذابح القلب بالشوق
العقل من بعد القى منك مافاق
ليتك تحس بواقعي بس وتذوق
من كاسك اللي منه نشف(ن) الارياق
دنياي من دونك ترا مالها ذوق
خليتني عايش على حد الارهاق
اليا متى ببقى اطالبك بحقوق
ماتشوف كل الكون في غيبتك ضاق
وراك كني تايه الدرب ملحوق
خايف تكون نهايه الحب الفراق
يكفي عذاب اللي غدا منك محروق
غيرك وربي بالبشر مابعد لاق
شفني بقايا انسان في حال مسروق
من سبتك ضاقت بي افواج وافاق
انا دخيلك تفهم الوضع برفوق
ماعاد صبري لو تصورت ينطاق
تعال بعدك حالتي كلها عوق
عقبك وربي بالهوى صار منعاق
تدري مكانك غايتي دايم(ن) فوق
فيك انولد حلمي وكبر(ن) الاشواق
تاخذني ايامك لها حيل واتوق
دامك هناي ورغبتي ليه مشتاق
لو تطلب سنين العمر جاتلك سوق
والروح لجلك دايم الدوم تنساق
في عيني اكبر من غلا كل معشوق
مثلي لحبك معتقد مر عشاق
متى تجيني تطلب القرب وتروق
ونهيم ساعات كلها ضم وعناق
والله ماياصل غلاك أي مخلوق
وحدك سكنت بداخلي وسط الاعماق