غــز الإبـــر
السلام عليكـم ورحمـه اللــه وبركـاته
غــز الإبــــر
[align=center]يااللـه أنـا بك عن عذابك مستجيـر
مابعـد هذا الضيق ضيق إلا القبـــر
كوتني الدنيا على الضلع القصير
وورتني من وجيههـا الوجـه الغبر
إلين صرت آقول: يـاحظ الضرير
بعيونـه لغبـر الليالي ماسبــــر
وإن كان ظني خاب حتى فالعشير
فلا عـاد لي أيـه رفيق إلا الصبــــر
واللـه وصـار اللى ما ظنيتـه يصيـر
ومن راقب الدنيـا يشوف بهـا العبر
ومن راقب الناس الصغيـر أو الكبير
ما يعتبر منهـم إذا ما يعتبـــــــــــر
منهـم وإذا ما يعتبر منهـم صغيــر
ما يعتبر منهـم لامنــه كبـــــــــــر
كلن يقول إنـه بدنيــاهـ الخبيـــر
إليـن غبـر الليالي تختبــــــــــــر
أفداك يالظبي الجفـول المستذيــر
خل الكبـر باللـه ... للـه الكبــــــــر
وأنـا بوجهي عندك إنك تستخيـــر
وتبعد عيونك عن عيوني لو شبــر
ما تكسر الخاطر ترى الخاطر كسيـر
ما ينجبر واللى كسرهـ ماينجبـــــر
لا واهنيك كيف يدفيك الحريــــــر
وأنا عجزت أدفى وأنا بشتي وبر ؟!
البارحـه غنيت للبدر المنيــــــــــر :
( مرتني الدنيـا بتسأل عن خبــــر )
مابـه جديد ولا قديم يقـال غيــــــر
بعض الكـلام اللى مثـــل غـز الإبــر
تعال سولف لي سواليف الغريـــــــر
وخل الحزن بأقصى الضمـاير منثبــر
لو با تكلـم عن جروح الضميـــــــــر
بتنتهي الأوراق ويجف الحبــــــــــر[/align]
وسلامتكــــم /
أخـ الرحــــال ــوكم ,,,
رد مع اقتباس
مواقع النشر (المفضلة)