بعد انقطاع عن منتدى الزين لظرووف خاصه
لكم هذه المتواضعه ..
بعد انقطاع عن منتدى الزين لظرووف خاصه
لكم هذه المتواضعه ..
[poem=font="Simplified Arabic,6,white,bold,normal" bkcolor="transparent" bkimage="backgrounds/28.gif" border="solid,4,white" type=2 line=0 align=center use=ex num="0,black"]
اشره على اللي مسكـوك الدرقسـون=والا اللي مثلـك مايجـي فالغمـاره
حتيش لـو تملـك ثلاثيـن مليـون=مانتـه بواصـل للعـلا والصـداره
درب المراجل عسر مايجيك بالهـون=مارامـه الا مـن يحـب النـعـاره
رجلٍ على الشدات صامـل ودنـدون=متخالطـن طيبـه وزايـد وقــاره
في خوته وافي وصـادق ومضمـون=دون الرفاقـه ماحسـب للخـسـاره
دايم يهلـي ضمـن نـاسٍ يهلـون=والكيف في دلاله على جنـب نـاره
والضيف يبشر بالشحم داخل صحون=لا وهني اللـي نـزل فـي جـواره
والحمل وده عزم مـع قـوة امتـون=بالضعف والله مـا تجيـك الامـاره
ترا العمى فالقلب ماهو عمى عيـون=ياكـم ضريـرٍ اقتديـنـا بـقـراره
السر خافي بيـن الاضـلاع مكنـون=بحلو الكـلام امحاصـرٍ والشطـاره
ياكـم شجيـعٍ مـات ذلٍ ومغـبـون=والداب لو ولـى لا تامـن صغـاره
بكره تجي بنيـاب والسـم مدفـون=والنار دايـم قبسهـا مـن شـراره
من يرخي اذنه يـم شلـة يقولـون=من قولهـم مـا زاد غيـر بدمـاره
زادت على قلبه وساويـس وظنـون=وضيع يمينـه فالبـد مـن يسـاره
شفت العجب في وقت خاسي وملعون=والـدم الاسـود لـو تبيـن حمـاره
وعدونا بيّـن ومعـروف شـاروون=هـذا عـدوٍ ماعلـيـه استـشـاره
مير البلا مـن لا عـبٍ دور هـارون=ولب الحقيقـه موتنـا هـو شعـاره
وشلون نرجي ورد من بذر عرجـون=اصل النجاسه ماتجـي مـن طهـاره
واليا رمو قـومٍ وعجـزو يصيبـون=كـلٍ يدقـق خيبتـه مـن عـيـاره
لكن مهمـا زاد سحـرك يافرعـون=موسى بعصاه بفضل ربي انتصـاره
والكون ياسع كل شكـلٍ وكـل لـون=مثـل اجتمـاع موظفيـن الـوزاره
يامـل قلـبٍ ممتلـي كلـه طعـون=ولا عاد ينفع فـي زمانـه صقـاره
دامه مايملك داخـل البنـك مليـون=وفي شارع الاهرام ماسـس عمـاره
ولا واكب الموضه ولاهوب مزيـون=ولا سجل اسمه في بيـوت الدعـاره
ولا هز ردفـه مثـل نـاسٍ يهـزون=ولا صار كيفه من شيفـاز وزقـاره
ولاجر صوتـه عنـد قـومٍ يغنـون=مع سوبر استـار الخـزي والقـذاره
وزودٍ على مافيـه شاعـر ومديـون=متخلـفٍ ماطـق بـاب الحـضـاره
هـذا بنظهرهـم ياعساهـم يبيـدون=ومنهم عسى الطايف يمّلـي شهـاره
لانه عقل صاحي ولاهـوب مجنـون=ولانـه عليهـم جاهـرٍ بحتـقـاره
من عزتـه مايفعـل اللـي يـردون=ولا حطله فـي دارهـم لـه سفـاره
ولا باقـي الا تنتشـر فالتلـفـزون=والحـر يفهـم مقصـدي بالاشـاره
وترا العرب من دون في دون في دون=وخوت هل التوحيـد هـي التجـاره
ولا انت كانـك ودك الحـق مالـون=اشره على اللـي ركبـوك الغمـاره[/poem]
مواقع النشر (المفضلة)