[align=center]يوم نامت عين حارسها أقبلت=
إتحدى الخوف بخطا خوفها
وتختصر ساعات ليلٍ طوّلت=
وأوقفت عمر الزمن بوقوفها
أقبلت وهموم قلبي دبّلت=
والسعاده عانقته كفوفها
وصافحتني بهمس وبهمس اسألت=
عن ظروفٍ مااسمحت لي بشوفها
وحسبت كم لي مراسيل أرسلت=
وكم محبه حمّلتها حروفها
وخاصمتني وزعّلتني وزعلت=
والسبايب في زعلنا ظروفها
اللي كل ما نحسب إنها تعدلت=
جردت دون الوصال سيوفها
وأبعدتنا عن بعضنا واقفلت=
كل بيبان الرجا بصدوفها
وأعتذرت لها وللعذر إقبلت=
وافطمت قلبي على معروفها
لكن الظلمه عن الكون أنجلت=
وأسرع إمقص النهار بحوفها
ونجمة الليل بسما الصمت أعتلت=
وشالت أطراف الدجى بكتوفها
ووادعتنا فرحة ما كمّلت=
وأودعت فينا حشاشة جوفها[/align]
[align=center]م ن
فحشــــــــــوق[/align]
مواقع النشر (المفضلة)