ذيب عوى لجت ضلوعه ولجي
عليك ياراعي العيون المهاديب
سودٍ مضاليلٍ وساع ٍ وبجي
سودٍ تشذب بسرة القلب تشذيب
طحت بخطرهن يالله انك تنجي
سهومهن تسطي على القلب وتصيب
تخج صندوق المعاليق خجي
ياصاحبي حبك لقلبي عواقيب
ارفق علي شوي قبل استلجي
يا اللي عليك عيون الامه مراقيب
تقول بين شفاك درٍ يمجي
والخد براق المزون المهاضيب
اللي رعوده رجت القاع رجي
يامنوتي مافيه شك ولاريب
منساك كود انسى صيامي وحجي
من فوقهن شقرٍ تغذى على الطيب
ريح الشمطري في طرفهن يعجي
ذيل اشقرٍ ينسف خلاف العراقيب
تطلب عياله بالمهر والترجي
هزه وزرفات السبايا جناديب
لوما شليل السبر والمال هجي
ذبحتني ياسيد كل الرعابيب
فجيت قلبي يأريش العين فجي
فجن مثل مظراب شلفاء تراحيب
شلفاءاً تخل الدم الاحمر يكجي
لا وردة من كف مرو المغاليب
والخيل كاسيها ضبابٍ وعجي
ياعاذل المشتاق مابالهوى عيب
ماذقت لذاته عسى امك تدجي
لو ذقت من حلوه ومره تجاريب
مالمت طراد البني الغنجي
يم الحبيب اللي هروجه تعاجيب
ياعين لديله ويارجل سجي
م ن
قصيدة الله من قلب عوى عويت الذيب ٢٠١٤
رد مع اقتباس
مواقع النشر (المفضلة)