البلوتوث
بعض المجالس تنتعش بالبلوتوث
موضة شباب وجعلها للقطيعه
ترسل رسايل وسطها الغش مبثوث
فيها الفضايح والامور الشنيعه
ما كنها إلا سم فالقلب منفوث
سمٍ يعل اهل السدود المنيعه
حب المشاكل يعشقه كل طرثوث
ونشر الفضايح صار معهم طبيعه
العهد امانه واصبح العهد منكوث
ولا خير في رجل يخون الوديعه
امرٍ يبي تعليم وادروس وابحوث
وكلٍ يوجّه قدر ما يستطيعه
حتى يكون الشر من ساس مجثوث
ويقضى على كل المشاكل سريعه
نمشي على هدي النبي خير مبعوث
نهج لنا نصّت عليه الشريعه
أحمد بن سعود الحمد-الزلفي
مواقع النشر (المفضلة)