السلام عليكم ورحمة الله وبركاته
رائعة من روائع ابن الذيب
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
يالله مسا خير قلبي منقبض وش بـه=من رهبة الناس واللا القلب متطير
يا معير شوف قلبي روح وانحش به=مكينة القلب تفرض بشوق يامعيـر
مثل رذاذ المطر مايحيـي العشبـه=يحيي فؤاد المغربـل شوفـة نويـر
هنوف بدوٍ طرف قلبي تعشعش بـه=العين تشفق لها والخافـق مشيـر
قالت انا فيه موضوعٍ بـدردش بـه=قلت ارفعي الصوت لبا وجهك النير
قالت اخاف اتغير قلت ويـش بـه=امـا التغيـار لا مانـي ابمتغـيـر
قالت قبل تبلش احساسي وتبلش به=ابن آدم ان طال عمره عمره اقصير
لاتبلش القلب في حبك وتبلش بـه=تراه قطة وجه مـن عـاده صغيـر
تقول بعديـن هـذي والله النشبـه=اعلمـك بالحقيقـة وانتـه مخيـر
وطيت راسي وانا افكر وكنت اشبه=من حيرته السنين ومـات متحيـر
واخذت موشة هواهن اتنعنش بـه=لديت فيها العيـون وقلـت يانويـر
لو قالو الناس لك يومٍ ورح عش به=حذفت عمري وراي وجيتك مسير
لكن كلامٍ مالك به خير وش لك به=لا تذيرين الغـلا ويـروح متذيـر
وقولي لرمشك لا جيت اتحرش به=يرحمني شوي يـا ملعونـة الخيـر [/poem]
مواقع النشر (المفضلة)