هذه القصيدة من صديقي الشاعر ياسر الزهراني وله رد


يقول فيها الزهــــــــراني



بعد ذكر ...الواحد الله ربنا ...عالي الجلالي
خالق الدنيا وخالقنا تعالى في جلاله

ودي اكتب في رفيقي تاج راسي والعقالي
ودي اكتب والحروف اليوم ما توفي خصاله

يا ولد قحطان يا شيخ النشامى والرجالي
انت والله في صفاتك كامل اوصاف الرجاله

انت يا ابوسعيد يا حلو الملامح والفعالي
مثل ذاك السيف والله ما حد ينكر فعاله

لو مدحتك ما ابالي ما في اوصافك جدالي
والذي ينكر صفاتك ذاك من اهل السفاله

انت يازين المزايا صرت في دنياي غالي
من عرف سالم وطبعه ما توفي في وصاله

يا عزيز النفس ياللي تعرفه سود الليالي
تستحق المدح يا من (صار شيخ طريب خاله)

يا شريف الاصل يا من نلاقي له مثالي
الكريم اللي ستر مرة يمينه عن شماله

لك محبة وسط قلبي كثر حبات الرمالي
والذي يجهل صفاتك ضاع عمره في جهاله

افتخر بك كثر ماهز النصر مرمى الهلالي
واعتز بك كثر ما طال النصر ظلم العداله

واوعدك تبقى ببالي اول الذكرى وتالي
يا عديل الروح يا اللي ما وطى درب الرذاله

والختام انا(ولد زهران)انهي لك مقالي
واعترف اني كتبته واشهد ان القلب قاله

وهذا ردي انا عليه اقول فيها :

ابتدي بذكر الله بأول مقالي
ثم الصلاة على نبي الله وآله

يا سلام عد ما هبت هبوب الشمالي
على الخوي ياسر راعي للشكاله

يا صبي زهران يا اهل الدلالي
الطيب بين ومن بغاه طاله

وانت طلت تامرجله على كل حالي
ما هي غريبة وانتم اهل الجمالة

حيث ان ابوك ذيب وانت ذيب ولازالي
فهو بالرقابة والرجاله تعنا له

انت فارس ولد فارس من روس الابطالي
ويا خوي كرمك ما يكفيه رساله

يا ياسر من مكانتك ترى دوم عالي
شانك رفيع وراسي على كل حاله

يا من تنشرى خوتك بكل غالي
انا بمدح اصلي وما هي من الجهاله

ابذكر ابوي وعمي وخالي
كل منهو له قدر والناس تنصاله

وانا سالم دوم مثل النجم متعالي
كتبها قلبي وانشدها مما جاله

وانا(قحطاني)دوم فال السعد فالي
والمقدرة ان ما حصل معان داله

وختامها صلو يا ناس عد ما هل همالي
على الشفيع رسول الله بابتهاله

سلامتكم

حقوق الطبع محفوظه لدى براق نجد