ماتريده الزوجه من الزوج وما يريده الزوج من الزوجه
السلام عليكم
بعد قرائتي ومشاركتي في بعض مواضيع المنتدى وجدت ان اغلبية الشباب ما عندهم سالفه غير الاثاره الجنسيه فقط.
لكن في مواضيع قريتها فعلا يحتاج الواحد وقفه عندها وهي تبادل المشاعر بين الازواج.
ماذا تريد المرأه من زوجها؟؟
ماذا يريد الرجل من زوجته؟؟
قرأت ردود لبنات في المنتدى يجعلون من عدم بوح الرجل لمشاعره للزوجه عذر لها لبحث عن رجل آخر تشبع رغباتها معه.
صراحه حطمني هالرد وزعزع ثقتي في المرأه نهائي وحسسني انها افضل ممثله على ارض الواقع.
اذا كان عدم بوح الرجل لمشاعره عذر رسمي للمرأه بأنها (تغازل) وتلعب بذيلها وتمارس الرذيله فا 90% من الزوجات زانيات!!
لكن ارجع واقول اصابع الايد الوحده مو متساويه لاني اشوف بعيني حريم يسوون قبيله كامله باخلاقهم.
طيب كثير من البنات يسألون شنو نسوي عشان الزوج يعطينا الحب والعاطفه والحنان والكلام الحلو ونعيش بسعاده؟
اقولكم الشغله سهله جدا..
بما انك انتي اللي تبين هالشي فا لازم انتي تبادرين بهالشي وتعطين زوجك اللي انتي تبينه منه.
يعني كمثال. تبين تروحين للسوق (اكبر مشاكل البنات بالخليج عدم رغبة الزوج بالذهاب للسوق) السوق فيه من المخاطر اكبر من انه تنتبه له المرأه...ويكفي ان دخول السوق له دعاء خاص ويتعوذ فيه المسلم من الفتن...واهو سبب فساد اكثر البنات والشباب لانه يخلط الحابل بالنابل.
شلون تخلين زوجك يوديكي السوق عن طيب خاطر؟؟
اطلبي السوق اذا رفض ببتسامه تقبلي الرفض..بعدها بكم يووم اطلبيه مره ثانيه اذا رفض استقبلي الرفض ببتسامه..لو تقعدين شهر تطلبينه ويرفض تقبلي الرفض دائما ببتسامه..راح يحس انه مقصر معاج وراح تروحين للسوق وتشترين بأغلا الاسعار....اما اذا كشرتي وزعلتي وبعض الحريم يبكون يحسون انهم محرومين ومضطهدين..اهني يقول قلعتج عنج ما رحتي للسوق وبعض الرجال اذا شاف حالت زوجته بهالطريقه يحرم عليها السوق..لانه يحس ان السوق اغلا واعز منه..بحيث انها تزعل انها ما راحت للسوق وتزعل على زوجها عشانه..
هذي من باب مشاعر الرجل ترا.
الرجل اجمالا مشاعره افعال مو كلام.
اذا كان يجيب اكل للبيت (هذا بحد ذاته اهتمام بالزوجه) مثل اهتمامها بالطبخ والغسيل.
لكن للاسف اكثر الزوجات يشوفون حالت الحريم المتزوجات مثلا عندها اثاث حلو او ذهب بيدينها وتبي زوجها يجيبها مثله بس لأنها تغار من باقي الحريم. (هل الحريم اهم من زوجك؟ بحيث انج ترضينهم على حساب زوجك وبيتك).
الرجل يحب المرأه العاقله اللي توزن الامور بعقل مو بالعاطفه...مثل ما تبي المرأه زوجها عاطفي
لان المرأه تفكر بعاطفتها والرجل يفكر بعقله.
فا كل واحد ناقصه الشيء الثااني المرأه ينقصها العقل والرجل تنقصه المشاعر.
فا المسأله مكمله لبعضها بحيث كل واحد يشبع الثاني بالطرف اللي ناقص فيه.
يعني المرأه تشوف زوجها شلون يتصرف بحكمه على الامور وتحكم بحكمه
والرجل يشوف زوجته شلون تعامله بعاطفه ويعاملها بالمثل
يعني كثر ما تعطي كثر ما تاخذ
وحده ما تعطي زوجها من العواطف والحب وناطرته يبدأ ويبادر بهالامور عشان تطلع اللي بقلبها (بهالحاله تبين تنطرين إلى ما شاء الله)
لازم تعطينه شوي عاطفه لو بنظرات (مليون% راح يبادلج المشاعر بنفس ما تعطينه ويمكن اكثر)
الرجل عنده مشاعر مو ما عنده لكنه ما يقدر يعبر عنها لانه بهالحاله لازم يلغي خشونة الرجوله شوي خصوصا ان هالخشونه طبعه من يبدأ يتعامل مع الرجال. فا صعب تزول بيوم وليله.
فا كبار السن من الرجال اكثر عاطفه من الشباب بكثيييييييييييير والدليل اي وحده تفضل زوجها عاطفيا يكون مثل ابوها.
ونفس الشي الرجل يبي زوجه مثل عاطفة امه...
الرجل ينزل على رجلين امه وعيونه تدمع يطلب رضاها.
ليش ما تكونين مثل امه بطبعها؟ لانها العاطفه الوحيده اللي يعرفها
فا اغلب الزوجات بأول ايام زواجهم تحاول ترضي ام الزوج..وتغار منها اذا صف معاها زوجها في مشكله معينه.
الرجل بس يبي زوجه مطيعه غير متذمره نهائي وقنوعه لان كل رجل له قدرته الماليه والجسديه اللي تفرق عن باقي الرجال. فا لا تقارنين زوجك مع رجال صديقاتج نهائي بهالحاله تدمرين حياتك بنفسك.
اما الرجال
عامل زوجتك مثل ما ابوها يعاملها لان المرأه تبي رجل مثل ابوها بحنانه
المرأه تبي تحس انها بأمان اكثر من اي شي ثاني
اذا حست انها مو بأمان من الرجل اللي تبي الأمان منه (تعيش بخوف مثل اللي حوالينها ذيابه)
تخاف من زوجها 24 ساعه
اذا طلع لو لدوامه تخاف انه ما يداوم يروح لوحده ثانيه
اذا طلع لربعه بالديوانيه تخاف انه يقص عليها ويروح لوحده ثانيه
تخاف ينغدر فيها.........المرأه بطبعها خوافه فا تحاول كثر ما تقدر تحمي نفسها بأي طريقه.
مافي زوجه ما تحب زوجها مهما صار وبدر منه....ممكن تكرهه فتره بسبب مشكله معينه لكنها تشتاقله وتبيه بنفس الوقت ما تبي تنزل من كرامتها حيل عشان ما تستمر معاملته لها بهالطريقه باقي حياتها.
مع ان الكرامه ما تهتم فيها الزوجه عند زوجها...تقوله كرامتي وبقلبها تقول كيفك فيني بس حسسني انك تحبني بس.
عطوهم عاطفه بس...حنان حب غرام..مو شرط طلعات وعشا برا...الحريم اللي يطلبون يتعشون برا عشان يثبت الرجل حبه لهم هذيلي نصابين صراحه
يبون يكشخون فيه قدام الناس بس يعني عندي رجال
هذيلي عندهم نقص بالشخصيه ومشاكل نفسيه
اذا كان الزوج بالليل يطالع التلفزيون او يقرا كتاب او مجله او جريده او عنده شغله لاهي فيها عن الزوجه تحصلها كاشخه وتقعد جنبه وساكته.
نصيحه
لا تطنشها
ارفع راسك وطالع عيونها
اقعد جنبها وحط ايدك على راسها وحطه على صدرك والعب بشعرها. (ترا تسوى عندها الدنيا واللي فيها)
خمس دقايق وقولها روحي سويلي شاي ولا عصير (تلقاها تطير تسويلك اللي تبيه عشان ترد مره ثانيه) ههههههه
وقتها رد لشغلك مره ثانيه هههههه
لا تكلم كثير بكلام حلو بس عطها مشاعر بأفعال لي دشيت البيت بوسها اخذها بحضنك لمها شوي قولها اشتقتلج ولهت عليج حياتي.
ترا تلقاها تفرشلك الارض ورد بس ما تتغير عليها
ودير بالك اذا كانت تبيك بالفراش تقول مشغول مو فاضي.
لكن بنفس الوقت الزوجه شوي تهتم بشغل زوجها وتساعده انه يهتم بشغله بحيث يرتقي بالوظيفه لين يوصل مراحل وظيفيه احسن وماديا احسن وبالاخير كل شي يرجع لها ولبيتها وعيالها.
اذا كانت الحياة الزوجيه كلها بس مشاعر (ترا بالاخير الطرفين يمل من هالمشاعر)
في امور كثيره بالحياة ومشاكل ومواقف يبيلها مشاركه الطرفين.
الزوج ما يبي الا طاعة زوجته له بأي شي يطلبه بسسسسسسسس
والزوجه تبي كلمه حلوه وعاطفه وحنان من الزوج بسسسسسسسسسس
توته توته انتهت الحتوته وكل واحد يروح بيت اهله وينام
صدقت وربي
مواقع النشر (المفضلة)