انتي خليط من المعاني والاسماء ؟؟؟
ضاع الكلام ولانطق به لساني
من يوم مريتي تحثين الاطراء
حاولت المك في كفوف الزماني
عجزت كفوفي لاتحافظ على الماء
ياسيدة هذا المساء احتواني
شيئاً من اللي صار في علم الاحياء
في صمتك اشعر في حديث الاغاني
وفي كلمتك افهم تفاصيل الاغراء
مانتي بشر عادي لك حساب ثاني
انتي خليط من المعاني والاسماء
انتي عباره عن ضياع(ن) لقاني
انتي صراحه تنتهك شرع الاخطاء
اذا اعتبرتيني جسد يالأماني
انا اعتبرتك بالجسد روح واحشاء
ان جيت ارتب بك حروف ومعاني
من الألف انتي تعيشين للياء
في وجهك اشعر ليل شعر وخذاني
لاخر متاهات المطالب والاهواء
الين ماشعر في هبوبك نساني
على حدود اصغر مفاهيم الاشياء
واصيح لك من داخلي لاغشاني
نفحه من انفاسك لها صدق الانباء
واعيش في ذكرى وصالك مكاني
اطلب علاجي من يدك دامك الداء
واقول لك شوفي غيابك كواني
بين المحاني ميسمه اصبح اهداء
واذا رجعتي ولالقيتي تراني
موجود لكني ترى صاير اشلاء
لــــ مانع الخالد
رد مع اقتباس
مواقع النشر (المفضلة)