لا تزيد الـجــرح جرح ........
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قلت ممكن ؟ قال آمر , قلت تسلم يالحبيب=قال وش عندك! وقلت بخاطري اسأل سؤال ؟
قال وشهو ؟ قلت ليه انته معي دايم غريب=وانت تدري اني آحبك ولا فيها جدال
كل ماحاول اقرب منّك عن عيني تغيب=كني اطرد لي سراب وكني اطرد لي خيال
تكفى لو مره عشاني ودي اشوفك قريب=ليه تقسى يا أناني لا سؤال ولا وصال
يعلم الله حالتي حاله ولاينفع طبيب=كني مثل اللي فقد له عز ٍ وجاه ٍ ومال
بعد ماهو كان يرقى طاح في بطن الشعيب=ارتدت دنياه في وجهه ومال الحظ مال
ماجداه إلا يشق الجيب ويجرّ النحيب=مابقاله لاعيال , ولا عمام , ولا خوال
قال لحظه , وسّع الخاطر وخلّ صدرك رحيب=والله انك مستحل القلب والعين إحتلال
ودي اشوفك ولكن يافهد وضعي صعيب=لو على كيفي تركت الناس وشديت الرحال
ماني عايش في لهيب وماتركتك في لهيب=قدّر اوضاعي طلبتك يافهد يا إبن الحلال
قلت تكفى بس . طلبتك تترك الجرح العطيب=لاتزيد الجرح جرح وحالة المجروح حال
قلت تدري ! قال وشهو ! قلت والله يالحبيب=استوت في عيني ساعات المفارق والوصال [/poem]
رد مع اقتباس
مواقع النشر (المفضلة)