صغــار ولـكن ..

**روح الموده** · 29-07-2005, 03:16 AM

الولد: يمه ليش قرانديزر قوي ودايما يهزم جنود فيقا ..
الأم: علشان قرانديزر يشرب حليب وفيقا يشرب فيمتو
الولد: يمه ليش بشار مضيع أمه وجالس يدورها لحاله ..
الأم: علشان بشار يوم راح مع أمه لاسواق العويس ماسمع كلامها
راح يتفرج على الالعاب وضيعها

وتروح الأيام ويكبر الولد ويكتشف ان قرانديزر ماكان يشرب حليب وان حده زيت فرامل ويخب عليه بعد .. ويكتشف ان ام
بشار نحله وجايبتن غيره ألفين بيضه ولاطقت له خبر يوم هاجموهم الدبابير نحاشت وتركته .

الأم: صليت العصر ياولدي ..
الولد : ايه صليت يمه
الأم: طيب وش قرا الامام في الركعه الاولى (بعض الامهات ماودكم انها تستذيب ابد)
الولد: صلاة العصر مو جهريه يمه
الأم(وهي تلقط ماتبقى من تقاسيم وجهها) : ايه عارفه بس كنت باختبرك (عااش مصرف)

طبعا الولد كذب على امه كذبه بيضا
.
.
.
.
الكذب بشكل عام صفة سيئة.. فليش احنا نزرع هذي الصفة في أطفالنا (من غير قصد طبعا)
صح أن بزراننا بثرين وان ماهنا اغث منهم بس الصدق مطلب .. وبغض النظر عن شرعيته، الكذب على الاطفال له اثار
نفسيه سلبيه على الطفل ، سواء وهو صغير والا بعد مايكبر ويكتشف الحقيقه .. طبعا الكلام ذا مانيب جايبته من طحانة
جدتي ، هذي خلاصة مقال قاريته قبل فتره .
حتى لو سأل الطفل سؤال محرج أو سؤال اكبر من سنه المفروض أننا مانكذب عليه.
يعني حاول تصرف السؤال بطريقه حلوه مثلا فررره بكف وقوله ورى ماحليت واجبك (امحق تصريفه)
في النهاية الكلام اللي فوق كله يثير سؤالين يلعبون كيرم مع نفسهم (بسوي مثل اللي يقولون سؤال يطرح نفسه ولخبطت )

1-هل فعلا الكذب على الاطفال له تبعات نفسيه سيئه على الطفل .. وهل يمكن انها تأثر على سلوكه مستقبلا ؟؟

2-ليش سالي صارت شغاله وليش الانسه منشن تحب أم شعر اصفر اكثر منها ؟؟

السؤال الأول هو صلب موضوعنا ولان فيه ناس يمكن يكون عندهم معلومات اكثر مني
فياليت يتحفوننا باللي عندهم

أما السؤال الثاني للي وده يتميلح مثلي (قولي الحلقه الاخيره فاتتني وباعرف وش صار وريحينا )

**فهد الفهد** · 29-07-2005, 04:30 AM

روح الموده

بصراحه أنا من الناس الذي يحب الأطفال بشكل غير طبيعي

وفعلآ لايجب أن يكذب على الأطفال لأن الطفل يمسك كل شئ من أول مره

ولكونه طفل لايجب أن نخاطبه الا بصفته كبير لآنه سوف يرتاح من ذالك ويشعر بالمسؤليه وسوف يكف عن بعض حركات

العناد التي يفعلها

الطفل دائمآ يشعر بفراغ الوقت فيريد أن يفعل أي شئ كي يشد أنتباه الغير له كونه يريد أن يحسس الغير بأنه

يستطيع أن يفعل أي شئ دون مساعدة أحد

ولكن في الختام

الأطفال أحباب الله

فيجب علينا أن نرعاهم ونقدر التصرف معهم ونحسن الكلام معهم

تحياتي

**روح الموده** · 29-07-2005, 04:43 AM

[glow1=#FF9966]تسلمـ أخوي فهد الفهد على المرور
وعلى كلامك الاكثر من رائع
وزي ماقلت الأطفال لازمـ مانكذب عليهمـ لأنهمـ يعتبرون كقدوهـ لهمـ
فاذا همـ شافو اللي أكبر منهمـ ماخذ الكذب وسيله للهروب
فهمـ شي طبيعي راد يصيرون مثلنا وأكثر بعد
جايز احنا نستخدمه احيان للخروج من موقف معين
لكن الطفل لايفرق بين الكذبه البيضاء وغيرها

عشان كذا انا اشوف انو مانكذب نهائي افضل لنا ولهمـ

أختكمــ .. روح المودهـ [/glow1]

**روح الموده** · 29-07-2005, 08:01 AM

ماشفت اي مشاركات هل الموضوع ماعجبكمـ

**بقايا ذكريات** · 29-07-2005, 02:46 PM

هلا اختي الغاليه روح المودة

اول بصراحه عبجني الاحوار الام والطفل
جلست اضحك
على قرانديزر
بشار

بصراحه شي
ههههههههههههههههههههههاي
ولا جلست اضحك على يوم قالت امه صليت العصر قال ايه قالت وش قرأ

ام بنسبه للموضوع

والله جلست اضحك على طريقة في الموضوع
ولا عرفت اجمع شي

هههههههههههههههههههههههاي

على العموم
انتي اختي دائما مبدعه في كل مكان
سلمت يمناك على الموضوع المهم
ربي يعطيك العافيه
وماقصرتي
في انتظر الجديد منكي

بقايا ذكريات