عندي خبر لواحد من الاعضاء توفى ..
[align=center]يمكن شد انتباهكم اسم الموضوع او يمكن فضول بعض الاعضاء لحب القرآة والاستطلاع ..
انتوا عارفين ان اسم هالقسم من المنتدى قسم الحوار الجاد }} اكيد عارفين ..
والحوار الجاد اللي راح اطرحهـ لكم موضوعه (( أنا ))
لا تستغربون ولا تندهشون من اللي راح اقولهـ ..
العضو اللي توفى : ذلتهم عيوني اللي هي انا ..
انا دخلت هالمنتدى علشان ابعد الضيقه اللي بصدري مزروعه من سنين عمري مااستفدت من منتدى او حبيته زي هالمنتدى من جد حبيت انصحكم كأحباب لي لاني عرفت بطيبه قلوبكم وعفويتكم .. والنصايح اللي راح اقولها من حياتي الشخصيه ومن الظروف اللي مريت فيها وعانيت منها صحيح اني صغيره سن بس اللي شفته اكبر مني بسنين ..
اتمنى تستيفيدون من اللي راح اقوله لانه من جد مهم لكل واحد في حياته ..::
1/ لاتكتم على شخص تحبه مشاعرك تجاهه لان مو كل واحد يضمن له حياه بهالدنيا ..
2 / لاتثق بأقرب الناس حتى لو كان اخوك خل ثقتك بالله وحده ..
3 / لاتشكي لأحد همومك .. لانك ماتضمن وش ربي كاتبلك ووش كاتبله .. يمكن من اتفه شي يصير بينكم }} يحقد عليك (( للعلم ان اكثر المرضى النفسيين من يكتم بصدره حقيقه ولا يخبر بها احد)) بس يمكن تلجأ لأحد لو كانت بينك وبينه نص ثقهـ لان الانسان ماراح يتحمل يخبي شي ومايقولهـ لأحد ..
4 / لا تخلي احد يفرض رأيه عليك ((طبعا اذا كان الشي انت مو مقتنع تسويه الا على علشانه)) لانهـ ممكن يشوف هالشي نقطه ضعف عندك وفيه ناس ياخذها ان الانسان ((افدغ)) }} بالعربي بس ماياخذونها انها من طيبه نفس وكرم ..
5 / خل امك وابوك قبل كل شي بحياتك لان مهما صار ولفيت ودرت ورجعت راح تلتجأ لهم في نهايه المطاف ..
6 / مهما صار لك من الدنيا تصبر ولا تزيد الغلط بغلط خلك دايم صواب ولا تتأفف ..
7 / لا تتعنى عشان الفلس ولا تزعل من احد عشان فلس ولا تحقد على احد من كثر مادياتهـ شوفه وحاول يكون لك طموح .. لكن طالع ا من هم انزل منك مقام واحمد ربك على نعمته .. ترى الدنيا بتنتهي وكلن بيروح ويفنى ..
8 / خل الله قدامك بكل شي .. بكل خطوهـ تخطيها .. بكل كلمه تقولها .. بس لاتخلي الله في وقت شدتك وبس .. لانهـ ممكن يعاقبك .. (( ان الله غفور رحيم)) ولكنه (( شديد العقااااااااااب ))
9 / لو كان فيه احد يبي يشكي لك لا تسفههـ ولا تخليهـ يمكن تكون امله الوحيد يمكن ترسم بسمته لانك سمعته .. حتى لو انتقدته بس يكفي انك انصت له .. وهذا اكثر شي يأثر فينا طبعا .. ويمكن يكون اجر لك طبعا ..
10 / لاتركض ورا أحد مايبيك .. بس حاول ولو تبني معه علاقه صداقه ومودهـ لان الشي عمرهـ مايجي من طرف واحد .. لا الطرفين راح يتعبووون ..
11 / اصعب شي اذا سوا لك احد شي يضايقك على حسابك علشان الناس يتشمتون فيك او ياخذونك ضحكه وتحاول تضحك وانت من داخلك جرح متصنع بالا مبالاه .. لا تضحك ولا تجامل ولا تصتنع شي على حساب نفسيتك خلك انسان واقعي وعبر عن تصرفه قدام الناس انهـ غلط لانه من جد غلط ..
12 / اذا سويت مشروع ((مثلا)) او جبت اقتراح او قلت شي تعتقد انه صحيح وهو غلط ويجيك انسان يصححلك لاتقوله لأ انا الصح وبس خذ من تجارب الناس وخااااااااصه كبار السن لان هم من عاشوا وتعبوا وعانوا معاناه كسب الارزاق واحنا نبي الرزق يجينا بالمجااان
انتهت النصايح ..
اتمنى اني ماثقلت عليكم او اني قلت الشي بزوود بس هذي نصايح من وحده مجربه لاتحسبون ان من زود الطواعه ولا الخوف ولا الزهق ..
لا لا بس من اللي جاني من الدنيا وهذا قدر لي وكتوب ولازم ارضى فيه للعلم ان كل النصايح اللي فوق كنت من زمان ماأؤمن فيها وكنت ماخذه الدنيا عرض وطول بس الدنيا اجبرتني اقول هالشي لان الشي عمره مايدوووووم ..
اختكم // ذلتهم عيوني [/align]
مواقع النشر (المفضلة)