على بالكم مسوين بنا خير ..!

[شموخ أنثى]

على بالكم مسوين بنا خير يالأتصالات يوم انكم
هاكين علينا بهالخدمه المجانيه .. خابريننا نطف بالشي وبيجينا إعاقات وعاهات مستديمه
<< رافعتن اصبعه وهي تكتب من حر ماتوجس < ( ملتهب )
هانت انفلونزا الخنازير والماعز قدام انفلونزا المجاني (H1-S1)


وشوفوا اي واحد يوجس شين من هالاعراض
يبادر بالتلقيح (الربيعه موب ازين منا) im3

اعراض المرض:

1 / زغلله بالنظر وحوله
وضعف والتهاب العين من كثر ماهي تقرا بهالرسايل
2 / موتة القلب من كثرة الضحك
3 / شاحن 24 ساعه مشبوك مع هواية سرقة الشواحن من اللي حواليك im22
<شادتن حيله بشاحن مرت اخوه im22
4 / فزفزه وحلوم طول الليل بالجن من شدة الكركره
بالإضافه للجاثوم
5 / يحاتسيك الواحد ولا ترد عليه < عقلك مب معه
مع اللي يرسل لك قاعدن ترد عليه
6 / تعليق الجوال من كثر الرسايل
7 / تعرق اليدين اثناء الكتب < الله يعظم اجرك من كثرة ماتكتب
8 / تنمحي ملامح حروف الجوال من كثر التضغيط
مع التهاب الاصبع الدبي
9 / تعود طبلة الأذن على نغمة الرساله :12ar:
لدرجة ان اللي يهرج عليك تسمع هرجه نغمه
10/ لو معك جهاز برج العرب حسيته بلاك بيري من كثر الوطوطه

واللي يحس بشين غير هالاعراض ينبهنا

الوقايه والعلااج :

1-اللي يحب نفسه يحول موبايلي او زين
2-ارتداء قفازات اثناء مسك الجوال مع حشي مكان الاصبع الدبي بالاسفنج
3-ارتداء نظارات سباحه حيث سمك العدسه وابعاد الاشعه المباشره عن العينين
4-حشو الاذنين بالقطن لين تحسه طلعت مع خشمك منعا لأختراق النغمات طبله الاذنين.
.وبالتالي التعود والادمان عليها
5-قيام الليل والتهجد بكل خشوع مع الاكثار من الدعاء والتحسب على شركه الانفصالات
6-المناوبه بسهر احد افراد العائله حولك لغرض التسميه عليك اثناء الفزفزه وطرد الجاثوم ..وتسانك تشكي من الوحده الله الله بالبقره طوووول الليل
7- احياء عهد الجرابات للجوال للحفاظ على الجهاز اثناء الكتابه
8-ومثل ماذكرنا سابقا المساااارعه بالتلقيح قبل تفشي المرض

"اللهم بلغت اللهم فأشهد"

[مهــاجره]

,

والله ياختي شوفي على قولة ام عزيز شي ببلاش ربحه هين وفي روايه بين
دام المسجآت ببلاش لازم يطلعون حق الله منك في الأمراض الي بيجبونهن لك
مع ذا الخدمه المجانيه هذا اذا ماجاك فصام بالشخصيه >> تكفين قولي مافهمت ودي اشرحه >>برآ بسim22

وبعدين ذا الأمراض المذكوره اعلاه كلهن فيني ماعدا الجاثوم وسطر نسيت وشو >> الله من الزوله عجز ترجع تقراهim22


خذي بس ولا ارسلها مسج:25ar:images11

[nothing]

/ يحاتسيك الواحد ولا ترد عليه < عقلك مب معه

يوووووه ياأنا طالعه أسفه ذاليومين


وشسسمه أزيدك من الشعر بيت .. ماحطو ذا الخدمه إلا يوم بدت الإختبارات حسبي الله على إبليسهم من إنفصلات من زود الفلاحه

وش ذا أبي أبدا أذااكر والله مااعاد لي خللق

خذي شموخ (:25ar:

[!¦[ssسعــــــودss]¦!]

يبادر بالتلقيح (الربيعه موب ازين منا) im3

مااخذ فتامين يقول ضـد انفلـونزر الخنآزير يدهـبـج علينآ يقاله im22

ولله من الدهـبـجه عندهم وزاره الصحه

1-اللي يحب نفسه يحول موبايلي او زين

أشـوى اني موبيلـي يعني ماهيب جاتني الاعراض الانسحابيه المذكوره

..


شموووخ <- الثريا اطلق ترا im22


لاهنت ِ

[alzen57184]

يحاتسيك الواحد ولا ترد عليه < عقلك مب معه
مع اللي يرسل لك قاعدن ترد عليه





والله انا صرت كذا

تو ادري ان الناس تحبني >>> مآآخذه مقلب بعمرها im3



شمووخ شكرا على النصايح



بس من جد شهر الرسايل غيرررر:24ar: عن شهر المكالمات

تهقين يحطون لنا شهر اضافي

لك شموووخه:25ar:

وش صار على البسبوسه لايكون انحرقت