[align=center]لظروف احكام وللغيبه قدر [/align]
[align=center]مساكم الله بالخير جميع والسموحه مني على الغياب والتقصير ....وهذا جديدي عله ينال ربع اعجابكم[/align]
[poem=font="Simplified Arabic,6,darkblue,bold,normal" bkcolor="transparent" bkimage="" border="groove,6,darkblue" type=2 line=0 align=center use=ex num="0,black"]
الهوى جند العاشق وجالـه جنـود=دار ناس ٍ عجز غيـره ولا دارهـا
شف معاك الغلا قاد المعاليق قـود=وانت تعرف طوال الهرج وقصارهـا
صادق الوعد عيا في ضميرك يجود=والحشى من فعولك والـع ٍ نارهـا
ياتسافـر وتبعـد ياتحـن وتـعـود=ساعة القلب عندي دقـت انذارهـا
ياطريق المواصل ياطريق الصـدود=اقصر النكبه اللي طـال مشوارهـا
الهوى له حساب وله شروط وبنـود=لاتحسب الصغار وتتـرك اكبارهـا
كم دمحنا وشلنا مير مامنـك فـود=تنكر العشره اللـي بحـت بخبارهـا
يوم تنقص بحبك يوم حبـك يـزود=والدلايل كثيـره عنـدك اسرارهـا
يشهد الله عليك وكل خلقـه شهـود=تهدم البنيه اللـي ثابـت احجارهـا
احترقلك غـرام وتحترقلـي جحـود=بانت اللوحه اللي بـان مسمارهـا
مايمشي فؤادك غير ضـخ الوقـود=بالمصالح حياتك تضـوي اقمارهـا
كان شوقي لعينك شي ماله حـدود=ولك بقلبي قصور ٍ عالي اعمارهـا
كنت احبك واظمك عن عيون الحسود=وان لمحتك يميني تسبـق ايسارهـا
لكن اليوم عنـدي مابقالـك عهـود=طاحت العشره اللي طـاح مقدارهـا [/poem]
مواقع النشر (المفضلة)