بسم الله الرحمن الرحيم..
صباح/مساء الكــادي
مشكور يا بايع مشاعرك مشكور
.. .. .. .. .. .. .. .. ..العام ذنب وهالسنه .. ذنب ثاني
وش عاد اقول ولا بقى شي مستور
.. .. .. .. .. .. .. .. ..ما طعتني يوم ابتسم لي .. زماني
لا تعتذر .. لو خاطري منك مكسور
.. .. .. .. .. .. .. .. ..لا تفتكرني .. دام قلبك نسانـي
لا لا تقول ان الليالي .. لها دور
.. .. .. .. .. .. .. .. ..شف من هو اللي كان فينا أناني
مدري تصنعت الغلا زور في زور
.. .. .. .. .. .. .. .. ..مدري انا اللي حيل كنت متفانـي
مثل العما ما تنفعه طلـعـة النور
.. .. .. .. .. .. .. .. ..النور بـعـيون العما ما يبانـي
عندي خبر لو جاك من يمي قصـور
.. .. .. .. .. .. .. .. ..لأقول انا مخطي وربي .. جـزانـي
لو شفتني قاسي عليك انت معـذور
.. .. .. .. .. .. .. .. ..شفني من أول جرح لا زلت أعانـي
انا بشر مثلك لي احساس وشعـور
.. .. .. .. .. .. .. .. ..واغتاظ لا مس الكلام .. بكيانـي
حتى وانا في قمة الغيظ .. مقهور
.. .. .. .. .. .. .. .. ..بعض الحكي عيا يقوله .. لسانـي
بقولها لو قلت لي صابك غـرور
.. .. .. .. .. .. .. .. ..ما فيه احد ياخـذ بقلبك مكانـي
العام قلبي فيك هايـم ومجبـور
.. .. .. .. .. .. .. .. ..العام لا مني جفيتـك عصانـي
واليوم حبك في حناياه مقبـور
.. .. .. .. .. .. .. .. ..لو ما دعيته للمفارق دعـاني
ذاك الهوى ما عاد لك فيه مقدور
.. .. .. .. .. .. .. .. ..ابعد من ايام الرشي والسوانـي
مادمت راضي عن عذابي ومسرور
.. .. .. .. .. .. .. .. ..ملعـون ابو قلب ٍ عليك يحدانـي
.
م/ن
أختكم أبعاد
مواقع النشر (المفضلة)