~{
صباح/مساء ..يليق بكم :25ar:
منذو مبطي مانزلت موضوع ..نسيت وش تكتبون في البدايه
مير لسني احب المقدمات وصفصفه الحتسي im3
عندي موضوع دابلن تسبدي من زمان ويوم جا اليوم <<حلوها :28ar:
طفح الكيل ونطق الحجر وقلت لازم احتسي
كل يوم افتح افتح جهازي ..اسوي تشغيل ..افتح الايميل ..الاقي عشر ايميلات عشرين غير الرسايل الفوريه
اغلبها رسائل دينيه وفوائد ..بس بالاخير لازم يختمونها بالتالي :
الايميل الاول : انشر تؤجر
الثاني: انشر وان لم تنشر فأنت لاتستحق الثواب
الثالث: انشر وان لم تنشر فأنت ماتحب الخير ولا تريد الفائده تعم
الرابع: انشر يمال المصع
الخامس: انشر ووجش
هذا غير مسجات الجوال im1
تجي وحده مدرعمه لها سنه ما ارسلت همن ترسل رساله دينيه نهايتها ( امانه ان تنشر) ..(هذه الرساله امانه في رقبتك انشرها)
ليه ..وراه ..ازاي..!
وش هالاسلوب ..على كيفكم تحكّمون في ثواب الله هل نستحقه او لاء
مره من المرارير وحده من خوياتي ارسلت لي مثل هالحتسي
يوم جا في الجامعه وافتح السالفه معها ومع باقي صديقاتي
قلت اللحين يوم انتس ترسلين لي هالمسج ..مير يوم شفته قلت عناد اوب ناشره
قالت : وش اسوي انا لين جتني مثل هالمسجات اخاف وانشرها ..يختس يحتوني من الدعاوي ماتسوى علي
وكل وحده ادلت بدلوها ..الي قالت انا اخاف وامسك القائمه واسوي ارسال جماعي ..والي قالت انا اعاند ولا ارسل
تعددت الاقوال والخوفُ واحدُ
انا عاد بالنسبه لي العاده اني اذا صار مكتوب تحت انشر بس بأسلوب مؤدب انشر عادي
اما اذا جلسوا يدعون عليّ اعاند ولا ارسل
بس مره دعوتهم كانت شينه واخاف منها بذات.. .. واضطريت اني من الخوف ارسل لكل القائمه
بس قمت ومسحت الحتسي الي تحت والدعاوي عشان مايخافون مثلي im3
لا والنكتهim22
مره واصلني ايميل ..دعايه عن السياحه في دوله ..ومكتوب تحت انشر <~ im22
خلاصه الزبده :
- وش موقفك من هالرسايل سواء بالايميل او الجوال ؟؟ هل تنشرها ! والا تعاند مثلي ؟!
-ماتحسون ان هالحركه مشكوك في امرها ؟؟ يعنى بدعه او شيء ؟
- وش الحل في رايكم.. نسفه هالرسايل ؟! والا ننشرها ونمسح الحتسي الي ماله سنع ؟!
المسآحه إلكون
.’
مواقع النشر (المفضلة)