بسم الله الرحمن الرحيم

قصيدة العمر فدوه لكن القلب هاته ٢٠١٤

شفتك بعد غيبه حاولت أحاكيك

ماهو من قلب ولا من جراته

بغيت أقول فلان وأزريت أناديك

وكني سمعت إسمي مع ألإلتفاته

فزيت من نومي وأنا أقول لبيك

وأثرك رؤيا في منامي وجاته

صـفـقـت كف وقلت ياحلم إشويك

جددتلي جرحٍ هنا في مباته

يالي شريت البعد ماغاب طاريك

حتى لو إن البعد سوى سواته

ماهــوب محزني على حاجةٍ فيـك

إلا إن قلبي شايفٍ بك غناته

كن الطيوف تقول إش حال غاليك

بقول راح وما بقى إلا غلاته

لو إن ماجاني من الهـم ياتيك

كان المـصلـي ماحفظ وش صلاته

مريت شارعكم وصادفني أخـيـك

وإلي قطع كبدي حلاتك حلاته

بغيت ألخبط من دعاياهـ وأدعيك

وإسمك وقف بين اللسان ولهاته

بغيت أجيب العيد وأقول يرضيك

في الي وصاتي له وضيع وصاته

البعـد شـيـب خافقٍ مـيـتٍ فيك

وإلا مشا خطوهـ عثر في عصاته

مشكلتي إن قلبي يـحبك ويغليك

ومشكلتك إنك شخص عايش حياته

كثر الجفا نار وحطبها تـغليك

خِف الحطب لاتزيد نار الشماته

إن أحزنك جرحٍ برجواه يدعـيـك

ماعاد تفرق عيشته من مماته

قلبي وعمري كلها بين أياديك

العمر فدوه لكن القلب هاته

إن مابغيت ترد قلـبـي بوصيك

أحسن عزاهـ إذا دريت بوفاته