][تبي تحسن اداء جهازك ][ امسك يدي
:
:
:
السلام عليكم ورحمة الله وبركاته
كيف الحال اخواني اخواتي الغالين
هذا شرح لكيفة تحسين اداء الجهاز وهي الطريقه الي استخدمها انا من سنه وفعاله معي
نبداء الشرح
اول شي نروح يم جهاز الكمبيوتر
وثاني شي نروح يم القرص الـ C
ونضغط عليه كلك يمين بالفاره وتطلع لاني القايمه ونختار منها خصايص
وتطلع لاني مربع فيه كلمة تنظيف القرص نضغط عليه
ويطلع لاني مربع اخر وفيه خيارات الي تبي تنظفها انت حدد كل الاخيارات بوضع علامة صح امامه وبعده اضغط على موافق
عاد يطلع لك انه بداء التنظيف
وكذا انتهينا من الفتره الاولى من التنظيف الحين نروح يم الفتره الثانيه
نروح الي جهاز الكمبيوتر مره ثانيه
ونروح بعد يم القرص الـ c
ونضغط عليه كلك يمين بالفاره وتطلع لاني القايمه ونختار منها خصايص
الحين نروح يم ادوات ونختار منها الغاء التجزئه الاًن
والحين يطلع لاني مربع ونختار منه الغاء التجزئه
عاد نخليه على كذا ونروح نسوي شاهي ونشرب الشاهي ونروح ندور في البيت 20 دوره ونرجع عاد
لانه يطول التجزئه كثير لاني معنا التجزيه هذي ياطل عمرك مثل ملفات منحاسه هذي الحركه تروح تجمع كل الملفات مع البرنامج حقها وتسهل سرعة فتح البرنامج او الجهاز او تصفح المواقع
عاد اذا خلاص يطلع لكم لكم مربع صغير نختار منه اغلاق
عاد كذا نخلص ونغلق الصفحه كله
وبعده نسوي اعادة تشغيل لجهاز علشان يتم حفظ المعلومات المحدثه وهذا افضل شي
عاد باقي طريقتين وهم راح انزلهم لكم في موضوع ثاني
وارجو انه افداكم الدرس هذا
ولاخير في كاتم العلم
مـ ع حبـ ي
مواقع النشر (المفضلة)