00أم صقر وباب الملك عبدالعزيز 00
ياذ1 الموضوع من يوم الثلاثاء وانا ابي انزله بس مافيني حيل
وبما اني هالحين صاحية ورايقة قلت خل انزله<<<فيس يناظر دجاجتن صدزعى
شسموه
هذ1ك اليوم اللي هو الثلاثاء نوينا الروحه لمكة
كان ودي اعتمر-
مدري ليش مسكت معي
وامسك في امي الا والا نروح قالت طيب
والله ورحنا عقب المغرب ويوم وصلنا لمكة اقول لامي ترا حنا طريقنا يمين تقول لا انزل من تحت ..
اقول تحت بتدخلين لوسط مكة تقول انتي انثبري ومالتس دخل
ويوم نزلنا من تحت الا تقول الحين انتي دامتس عارفة انوه غلط الطريق وراه ماحتسيتي من اول
الشرهه مب عليتس عاللي يجيبتس تعتمرين
المهم وصلنا لمكانن ما وكان بوه موقف وواحد موقف سيارته فان ونازل من السيارة كان لابس احرام
قالت امي هذ1 محرم وموقف هنا معناها ان الحرم قريب
قلت يمه اسأليه عشان نتأكد ..
قالت الكتاب باين من عنوانوه.. بعدين انتي لاتحتسين ابد لارجفتس
يلا وقفوا السيارة هنا ..
يوم وقفنا نزلت القاز حق السيارة وقالت للرجال ياولدي الحرم وين؟!
قام اشرلها بيده انه هنا يعني قريب
قالت شفتي انه قريب يعني ليش تخليني اسأل الرجال وحنا عارفين
مير ابلع العافية
اشوي وحنا قاعدين نلبق ولا امدانا نسحب الجلنط الا الرجال يرجع يفتح سيارته ويركب
قالت امي الرجال رجع شكله بعيد وبيروح بالسيارة يلا يلا ارجعوا مير نرجع ونجي نحرك الا الرجال اخذ نظارته من السيارة ونزل ورجع قفل الباب قالت امي لالا هذ1 كان ناسي نظارته
يلا ارجعوا وقفوا im22
قلت ياليل الليل
ماودكم اتناقش معكم
وانا متسدحه ضحك ..
الا اشوا مشينا حبتين الا حنا عند الحرم
من عند باب الملك عبدالعزيز
اول مرة اروحله..
وفصخت شحاطتي
وامشي وطبعا كان زحمة لأن الناس توووووووووووووووووووهم مخلصين من صلاة العشاء..
ولااشوف قدامي ..
الا تجيني درجة ..
درجة يحبها قلبكم
وعلى وجهك ياام صقر
قالت الحرمة اللي تفتش عالشناط بسم الله عليك ..
عاد انا منبلهة وتو مابعد استوعبت اني طايحة
قمت مديتلها الشنطة قلتلها فتشيها im22
قالت اختي الله لايفضحنا ماتشوفين؟!
قلت يختي باب الملك فهد مافيه درجة
المهم دخلنا وصلينا العشاء
همن قعدنا شوي يقالنا نريح
الا فيه جنبنا 3 حريم ايرانيات
امي تقول لي ام صقر هذول وش جنسهم؟!
قلت ايرانيات ..
قالت اقول بس لاتتفلسفين واجد
قلت طيب قالتلها الحرمة شي مدري وشو
المهم امي رجعت ردت عليها همن سألتها انتي من وين قالت ايران
قلت لامي شفتي اني ماكنت اتفلسف
قالت امي وش دراتس طيب قلت من حواجبها
اي وحده رسمة حواجبها ابداع تراها ايرانية
كان ودي ذيك اللحظة اني جايبتن معي اكسجين وودرة عشان ترسملي حواقبي
المهم
قمت فتحت شنطتي وطلعت جواليني وحطيت واحد بجيبي اليمين والثاني بجيبي اليسار عشان محد يسرق الشنطة وياخذ جوالي الجديد
شافتني امي قامت عطتني جوالها قالت خذي بعد جوالي عشان لاينسرق
قمت حطيته بجيبي اليمين اللي عند الركبة
وجاء محرمنا
عطاني بعد جواله وحطيته بيسار الركبة
وصرت ثقيلة
واقولكم شي بعد
اصلن بنطلوني واسع ويوم حطيت الجوالات صار يطيح مني وانا كل شوي ارفعوه
المهم قمن نطووف ونطوف ونطوف 7 مرات <<احلفي
واختي استغفر الله ماكنها تعتمر
بس تحش بالناس وانا اضحك همن اهاوشها..
عاد تصدقون ماكنها عمرة الله يتوب علينا..
اول مرة بحياتي اعتمر عمرة مثل كذ1
وامي ماكانت ناوية تعتمر بس طافت ..
وانا واختي نطوف
واخوي يطوف
كل واحد طبعن بروحه ..
فجأة
الا تذكرت ان حنا ماتفقنا اننا نلتقي بمكان
والجوالات معي
قلت يلا ربي يسهل وانطلق للمسعى الساعه عشر
وانا بالطريق سويت نفسي يعنني غيوم وصورت ذولي
7
7
طبعا تتسالون ليش مركز عالاعمدة
لاني واقفتن وراها ازين بنطلوني
ووصلنا المسعى عقب مالفينا الحرم شبر شبر طبعا مضيعيين
والله وانطلق روحة وجية الا لقيت طفل يهببببببببببببببل هههههههههههههههههههههههههههههههههههاي
ملاحظين انتم ان الولد بس لابس احرام من فوق ومن تحت بامبرز im22
همن خلصنا عمرتنا الحمدلله ولقيت امي جنب الايرانيات طاقه حنك
ورحنا لسيارتنا
,
,
,
مواقع النشر (المفضلة)