هذهـ القصه في أحدى الكليات بالمملكه لطالبه وزميلتها
والقصة هي يقال أن إحدى طالبات الكلية كانت تسكن في أحدى القرى
وكان يغلب عليها طابع البداوهـ من حيث لبسها لقلة ذات اليد وكانت من
المتفوقات في دراستها وذات يوم مرت أحدى الطالبات ورأتها فقالت
شوفوا البدويه القراويه فحزت هذهـ الكلمه ي نفس الطالبة فلما
وصلت بيتها كتبت هذهـ القصيدهـ التي حقاً هي رائعه
القصيدهـ
أيه بدويه ريحتي بن وبهار
هذا شرف ماهو بحقي خطيه
أنا بدويه بنت حراً من احرار
فزعات ربعي بالشدايد قويه
أنا هلي يابنت وافين الأشبار
كانك جهلتي من أنا يا غبيه
ياجاهله ماتغذي الشمس الأنوار
حنا كما الشمس على الارض ضيه
حنا هلا الطولات هيبه ومقدار
حنا مثل لأهل الشرف والحميه
حنا الطنايا للكرم رمز وشعار
حنا خوياً مايخلي خويه
الذيب يوم أنه عوا وسط الاسحار
عشوهـ ربعي من سنين مديه
يوم أن جدك وثق القفل بالدار
بيت الشعر مفتوح صبح وعشيه
للضيف ريف وللمعادن جبار
نرد الحياض ولا نهاب المنيه
يابنت لو بكتب من أشعار وأشعار
تعجز معاني بالحروف ابجديه
اللعب خلي اللعب لعيال شطار
لا تدخلين السيل وأنتي نديه
وسلامتكم
.
.
.
.
أخوكم الصغير
شارد ذهن
مواقع النشر (المفضلة)