[align=center]السلام عليكم,,
اترككم مع قصيده جديده....اتمنى انها تعجبكم..
[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
يالغاليه قولي وش اللي تودين=تكفين قولي لي وش اغــلا أمنياتــك
ودي اعرف بدنيتك وش تمنين=حتى احقق أمنيه في حياتك
وأكون أسعد شخص.... وأنتي تكونين= اغلا بشر عندي....وانا اكون ذاتك
يعني... انا انتي...بكل الموازين= وانتي انا...يجمع شتاتي شتاتك
واقول....احبك موت......وانتي تقولين=اموت احبك.....يعني حبي مماتك
انا فديت القد...والخد.....والعين=وفديت لبسك للثام ...وعباتك
ولبيه لامنك اندمجتي وتحكين=فيك الدلع واضح...على مفرداتك
وش عاد لو بالناس يابنت حلوين=ترا حلاهم مايشابه حلاتك
انتي حلاتك غير...وانتي تعرفين=صفاتهم ماهي تشابه صفاتك
ماظن ياعمري..يجي مثلك اثنين=لن انتي حاله نادره في سماتك!!
يعني...خلقك الله كذا....كاملة زين=وميزك ربي بالحلا ...عن سواتك
مع كل هذا...اااه...ليتك تحسين=وشلون خلتني المشاعر...وجاتك
ولوكان باللي داخل القلب تدرين=ماكان عينك تهتني في مباتك
ولو يعلمون شكثر عندي تساوين=والله فيني..يحسدنك خواتك
لكني ادري تعشقيني وتموتين=ومن زود ماني واثق(ن) من غلاتك
اخاف..وانتي..ياحياتي..تصلّين=يجيك طيفي...ثم....يقطع صلاتك!![/poem]
وسلامتكم
الكايد الشمري[/align]
مواقع النشر (المفضلة)