1365 كيلوا .... بالضبط
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحبّ مـا كفـرّ ذنـوب المحبيّـن=عاشـوا بحـقّ اقلوبهـم مذنبيـنـي
يركز على صـدر المولّـع نياشيـن=ويجمع له .. الحسـاد والشامتينـي
متبوع فـالدنيا ومشـروع فـالديـن=فطـره مـع الكفّـار والمسلمينـي
وانا على سلـم الرجـال المسميّـن=كسّابـة الثنتيـن دنـيـا وديـنـي
اللي ليا قـروّا .. تقـرّ الموازيـن=فعلن ضروبه مـن قديـم السنينـي
وقفت بين العقـل والقلـب والعيـن=واحترت في عقلي وقلبـي وعينـي
ادوّر الخيره .. وانـا بيـن ثنتيـن=واللي يجيني مـن وراهـا يجينـي
آخذ مـن نجـوم المجـرّه براهيـن=وافلج دعاوى الجـدي بـالفرقدينـي
وين انت يا مسرج هجوسي وانا وين=عيّت وسـاع البيـد تقطـع حنينـي
ألـف وثلاثميـه وخمسـه وستيـن=كيلو متر بالضبط .. بينـك وبينـي
كيّلتها والقلـب مـع كـل متريـن=يقسى على حدب الضلـوع ويلينـي
ياليّنه جيتك .. على العسر والليـن=اردّ عـن يسـراي صفقـة يمينـي
خليني اكتب لهفتـي بيـن قوسيـن=وحطي تحتها خط .. واستوعبينـي
ماعندي الا قلب ولو معـي قلبيـن=واللهّ لـاعلقّ صورتك فـالثنينـي !
وابدع لحن واطوّح الصوت صوتين=أمّا على المسحـوب ولاّ الهجينـي [/poem]
لالالاتعليق.:frown:
رد مع اقتباس
مواقع النشر (المفضلة)