فهد حنس 00 انا عميد الشعر وانته عقيدهـ
مساء الخير
اخواني اعضاء منتدى الزين لكل قصيده قصه هالمره حبيت اقول القصه
وهي عباره عن مدابعه شاعر لشاعر
طبعا الشاعر فهد بن حنس شاعر زميل وجديد بالمنتدى وشاعر جزل وكفو سيرت عليه بالايميل البارح طبعا شركه الايميل نزلت لعبه للشعار وهي عباره عن كره قدم (خاصه بالشعراء فقط ههه ) المهم الاخ فهد وحنا نلعب ولاهين قال يامشعل كيف انت عميد الشعر وعمرك 21 (اموت واعرف كيف عرف ان عمري 21 سنـه ) طبعا هاذا احتكاك خشن بين المدافع فهد وطبعا انا كمهاجم المشكلـه انها في منطقه الجزاء المهم الحكم حسب ضربه جزاء
im5
قلت
قالو بلنتــــي
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,darkred" type=2 line=0 align=center use=sp num="0,black"]
قالوا بلنتي والحكم صاح وشفيك = هااذي خشونه ياعتيبي شديده
لاتحسب الجمهور صفق يحيك = هاذا بلنتي وانتبه لا تعيدهـ
قلت اعذره لاعب ويحتاج تكتيك = توه جديد وبادين في جديده
قلت استمع لي يافهد يوم احاكيك = انا عميد الشعر وانته عقيده
ويابو حنس كان اللقب فيه تشكيك =خلك معي وافهم معاني القصيده
لابد ماتارد على العد وارويك = ارويك من شعري ليا قلت عيده
وان كان تبغى المدح ياشيخ بعطيك = وان كان تبغى الذم عددك فقيده
وان كان تبغى بالرثاء دمع يبكيك = تابع قصيدي فالجنود الشهيده
وان كان تبغى بالغزل ليل اسليك = عندي قصايد نازله بالجريده
على وليفن شبك القلب تشبيك = تشبيك حرن في سبوقن عديده
انا بقمي لاهنت والله يحيــك = لي لابتن وقت الشدايد عنيده
عدونا نسقيه سم التهاليك = ونذلـلـه تذليل مع سيد سيده
يشهد لنا التاريخ والترك والبيك = والباشه التركي هزمنا عبيده
في معركه ريحان جتنا التباريك = وسط تربه دار البقوم الفريده
وكان اللقب عن جوهر الشعر معميك = انا عميد الشعر وانته عقيده[/poem]
مشعل البقمي عميد الشعراء
شع شع
رد مع اقتباس
مواقع النشر (المفضلة)