يالي على ديرتك سقت الرحايل
ماعاد لديارن بلياك قيمه
لولا الحيا دمع المحاجر تسايل
مالي على فرقاك صبر وعزيمه
انا اشهد ان شرواك فعلا" قلايل
اكبر فخر خوتك واكبر غنيمه
من كثر منشد عنك لاحال حايل
من شافني يقول يطلب غريمه
مايعرف انك مغرقني جمايل
واني ما ضيع فعل يدن كريمه
ياما مشينا بالسحر والقوايل
ياما تشاركنا النصر والهزيمه
لو كان للقانون عندي يدايل
كاني حكمت البعد عنك جريمه
مالي جدا ياشيخ غير الرسايل
همزة وصل بين القلوب السليمه
شكري وتقديري لكل من اعطا هذا النص بعض من وقته الثمين تحياتي
</b></i>__________________
مواقع النشر (المفضلة)