* منين آجيب لك إسم .. وسماوه !
لـ الهدوء أحياناً بُعد آخر فَ أستمتعوا ؛
_
وذا جرح انولد بي خذه .. داوه
............. وسمه بإسمك ومابي سماوه !
خذه وارحل معه .. مابي أشوفه
.............ولامنه كبر بالحزن .. خاوه !
مدامه منك .. أنا بأرميه وأمشي
...........ومر الدمع في ريقي حلاوه
عُـمُـر .. وآنا احسب اني بحبك
..........قوي .. وانت إتظاهر بالقساوه
إلين الله قسم لك هالتمادي
..........عشان أصحى وأشقق هالغشاوه
ياظالم .. كنت تجرحني وانا اسكت
.........واقول إسكت وخذ جرحك وداوه .. !
لا قلت إنـْك بتروح آقول طيب
..........وانا وأطيب صبر فيني عداوه
ياعنك آنا اشهد اني كنت وافي
...........كثر ما أقفيت .. وبجفني نداوه
أحبك .. كنت كلي لك وأحبك
............مع إنك كنت تعشقني ( فضاوه ) !
عطاي أعطيه لك ما انشدك عنه
..............وأسمي سيل طعناتك شقاوه
حبيبي كنت .. بس اليوم مدري
.............منين آجيب لك إسم .. وسماوه !
-
[rams]http://www.tfasel.com/sounds/sh3er/ebrahimalrshod/SAMMAHAMR.amr[/rams]
لـ ابراهيم الرشود
شكراً لإنصاتكم (f)
_
رد مع اقتباس
مواقع النشر (المفضلة)