من سبب هذه الفجوه بين الاهل والابناء

[شارد ذهن]

سؤال يبحث عن إيجابه

لماذا اغلب الآباء بعيدين عن أولادهم مايجلسون معهم ويعرفون إذا عنده مشكله

أو متضايق من شي همهم بس راح المدرسة رجع من المدرسة ويوم تصير مشكله

للولد يقوم يهاوشه ويقلل من قدره قدام أهله وإخوانه يمكن بعد قدام الناس يعني

مايعرفه ألا لطاح الفأس بالرأس وبعد لتهون اغلب الأمهات ما تجلس مع بنتها

وتعرف وش داخلها وتفتح قلبها وتتعامل معها كأنها أعز صديقه مو أمها كل بنت

نفسها تكون أمها هي المتنفس الوحيد لها ولمشاكلها الخاصة بس بعد الوالدين

والخوف منهم هو الحاجز ولا تنسون أنفسكم ياالشباب مافيه احد يجلس مع أخته

ويعرف مشاكلها أو إذا قاصرها شي أو عندها مشكله أو متضايقة من شي ؟
ملاحظة :
يمكن خانني التعبير ما قدرت أصوغ السؤال صح بس إنشاء الله أنكم فهمتوووني .

أخوكم الصغير

شارد ذهن

[تكـفيني الذكـرى]

•.•.°.•.•

شـــارد ذهـــن

اخي الكريم ..

على كثره وروعه مواضيع النقاش المطروحه في القسم ..
وتقريباً اطلعت عليها كلها ..

حسيّت ان هالموضوع اقرب لواقعي .. وحبيت اضيف تعليق بسيط ..
ولو ما كان اجابه وافيه لسؤالك ..

بدايهـ ..

الحمد لله الاهل ما يقصرون علي بشي ..
لا من ناحيه مصاريف جامعيه ولا للسياره ولا الجوال ... ولاغيرهـ
لكن في اغلب الامور احب اعتمد فيها على نفسي واصرف المكافئهـ ..

علاقتي بالوالد والوالدهـ اعتبرها اكثر من رائعهـ ..
ما فيها الا كل احترام وبر واسأل الله اني اوفيهم حقوقهم ..
ومهما كبر الابــن ما يكبر على امه وابـوهـ ..

لكن ان جيت للحق ..

ما اذكر انهم اتصلوا علي اذا تأخرت على البيت وسألوني وينك ؟

حتى ايام ما كنت مسافر برا اتصالاتهم خلال ذاك الشهر تنعد على اصابع اليــد ..
مع ان انا الي ابادرهم دايمـ ..

يمكن الغربه ولدت فيني مشاعر مختلفه عن لما كنت بينهم ..
مع ذاك هالشي ما خلاني افقد احترامي لهم او حسن تعاملي معهم ..

كلي ثقه انهم مهتميــن ..

لكن اظهـار الاهتمام للابنـاء له دور ايجابي وكبير .. مهما بلغ عمر الابن
دامه عايش في بيت اهلهـ ..

.
.

ادري ان ردي ماكان جواب لسؤالك ..
لكن حيت اكتب هالكلمتين كتعبير بسيط لعلاقتي الـ(شبه جافه) مع اهلي ..

•.•.°.•.•

[راحيــــــــل]

"

هلا فيك اخوي

السبب انا اعتبره من الاهل

( الام ,,, الاب )

مو بس عن ذا الموضوع

انا بتكلم عن نفسي

عندي اروع ابوين من كل النواحي وبلا فخر :frown:

و كلنا عندنا امهات واباء نفتخر فيه بلا شك ,,,


لكن ... <<< لا بد من لكن هذي

القى من ابوي وامي الله يخليهم لي يارب

كل انواااااااع التحطييييييييييم

ابدا ماهم واثقين بـ مخ بنتهم الكريمه اللي هي انا

غير كذا

صارلي موقف دائما اذا ابي ابكي اتذكره :frown:

وربي سخنت سخونه بغيت اموووووووووت im6

يوم كامل ياناس وانا بغرفتي مسخنه im6

وربي محد دخل علي ولمس راسي im6

محد فكر فيني im6

محد قالي سلامات ماتشوفين شر im6

انا دائما اهون على نفسي لا تذكرت ذا الموقف

اقول يمكن ارتاحوا من خشتي وطولة لساني والله ماينلامون :confused:

بس بررررضه تحز بالخاطر :confused:

اخواني بـ العكس

قريبين مني مررررررررره مرررررررررره

يعرفون كل شيء عني

نتكلم بكل شيء

الله يخليهم يارب ومايحرمني منهم

لكن رساله لـ امي وابوي :

ترا عندكم بنت فلته

مخها نظيف جدا جدا وعقلها تجاري

اعطوهاااااااااااا الفرصه تكفووووووووووون

تكفوووووون لا تحطمونها

ترا صار عندها نوع من انواع العقد النفسيه

لدرجة صارت تتوقع الفشل في كل شيء تسويه

والسبب منكم

ماعطيتوها الثقه والدعم المعنوي

كله

تحطييييييييم × تحطيييييييييم

امي الحبيبه

مهو عشان دخلت المطبخ وحرقت اول طبخه سويتها

معناته اني فاشله ومعرف اسوي شيء images8

بليز

عطوا ابنائكم الفرصه دائما للتعبير عن افكارهم واحلامهم

والاهم من هذا كله

انك تشجعه وتدعمه وتثني على افكاره واحلامه

لعل وعسى تكونون جزء من نجاحهم في المستقبل



هذا والسلام عليكم

:frown:

[شــانيـــل]

[align=center]شارد الذهن

بصراآحه موضوعك راآآآئـع بمعنى الكلمه

ومكتوب بطريقه سهله وغير معقدهـ

شوف حبيت أشارك برأيي المتواآضع

معك حق بعض الآهاآلي فاهمين الأمور غلط

مفكرين وظيفتهم إنهم يصرفون على عيالهم فقط !!

لدرجة اذا صارت مشكله ولا شي

تلاقي أول كلمه

إحنا عمرنا ما قصرنا عليك !!!

طيب وين التواآصل بين بعض !!؟

أحيان تلاقي الولد يمر بظروف محد يعرفها من أهله

والبنت نفس الشي

كلن في فلك يسبحون

صدقني ثلاث أرباع الأهالي كذا

تلاقيهم ماهم مهتمين من الناحيه النفسيه لأولادهم و بناتهم

بس بعض الأحيان تلاقي الوالد بالذات

يبي ولده يشوف قسوة الدنيا بعيونه عشان يتعلم ويعتمد على نفسه

بس المفروض حنا ما نستسلم للوضع

اذا عندك مشكله ولا شي حاول تتقرب من أمك و أبوك

والله صدقني راح تلاقيهم واقفين جنبك

ومعطينك الدعم اللي تحتاجه

كان هذا كل ماعندي

والله يخلي لنا أهالينا يارب ولا يحرمنا منهم

تقبل تحيتي

دمت على العـز ،،،[/align]

[شارد ذهن]

تسلم على طلتك المتواضعة على موضوعي وبالعكس أنت جاوبت على سؤالي بـأحلى إجابه وهي إن الكلام الي انت شاركتني فيه طالع من قلبك مو تزييف او تصنع او مجرد كلام وبس

أخوي
أحترام الوالدين شي مفروض علينا وغصب عنا والي مايحترم والديه مافيه خير .
مانبي من اهلنا غير انهم فيهموناااا يحسون فيناااا يشاركونااا همومناااااا



الله يعطيهم الصحه طولت العمر ويخليهم تاج فوق روسناااااا


أخوك الصغير

شارد ذهن