بسم الله الرحمن الرحيم
<===قاعدة تتربع على الكرسي الهزاز,,,قصدي اللي كان هزاز
لان الكرسي اول ماشريته هو اللي يهز وانا ثابته
واللحين انا اللي اهز وهو ثابت
المهم
سؤال يطرح نفسه..
قد شفتوا واحد يصدم أبوه<<<ممسكه معها على الأبهات..
هذا كاتم الآهات..
صحى يوم الخميس الساعه 10 صباحآ
والجو غيم
والبرد قارص
وزقزقت العصافير (تملأ) ارجاء المكان
<====== اتعب يازقزقت العصافير
المهم
صحى كعادته المعتادة
1_البطانيه على الارض وهو فوقها<<<يطيح واجد من السرير
2_نص ساعه يتمغط
3_العيون كلها غمص والسعابيل تلعب دور كبير جداً
<<<<وععععع ماكان لي خلق أكتبها لكن يالله
طبعآ التفت يمين
وشد انتباهه ان الستاره مفتوحه
والمكيف طافي
قال في نفسه" لا والله اللي غديت بنر في موقع قوقل"
وفي (نفس الوقت) التفت يسار الا ومخمس جايه يمشي مليون
<<<<<يمديكم عالإخراج
(((طبعآ الكف اللي جاه لو انه جاء لغني كان يصير فقير)))<== مقتبسه من ذبة امينم ل فيفتي سنت في حفل ابو ظبي
طبعاً تتساءلون منو هذا..
طلع الوالد
ويمسك راسه
وبما ان الجدار بجمبه
وبما انه ماسك راسه اللي مدري وش تبي هالراس اللي كبر الجحة ..
<<<<<مدري وشلون ابوه قدر يمسكها..
<<<<شكله جاب عيال الحارة يساعدونه..
وكاتم يقول في نفسه يارب مايصقعني
ويقوم الوالد الله يسلمه يصقع راسه بالجدار
من قوة الصقعه الجدار نفسه صب دم
قويه صح؟
بس وش أسوي
المهم
قال له وبكل براءة: وشفيك يبه؟
قال أبوه: ماني قايلك قوم ورانا طلعه للبر؟
قال له :اييييييييييه نسيت <=== طبعآ عذر جميع شباب السعوديه
انا مانمت زين..
ونومي مقطع..
قاله ابوه:الله يقطعك يامال الـ....
المهم...
راحوا لروضة خريم<<<أعشقها ياناس هالروضة..فيها ذكريات ملعونة..
وتغدوا في ذاك وكلوا الخروف وأمعائه الغليظه والدقيقة..
قاموا يبون يهضمون شوي..
عاد طقطقوا بالكوره مع انهم من جنبها..<<<<الكورة كانت بلاستيك بـ3ريال سعودي..
وانواع التسحيب
واذا حس ان البنت تناضره
على طول يصلح دبل كيك
<<<<<<والله لو انك على خط التماس
<<<<<اسلوب تميلح غريب
وكل شوي وهو طايح على ظهره ويقوم ويسوي نفسه يعنني ماتعورت وهو مكــــــــــــــــسر
إلين كثرت طيحاته..
صار يقول مع كل طيحة."وش رايكم بذ الحركة"
والثوب قام يشتكي منه>>>مبقع اصفر من عند الأكواع ومن عند الجيب ومكان مايقعد وأطراف الثوب سووداء
المهم
حزموا امتعتهم وهموا بالرحيل
واهو بالطريق يقول يارب ماتصير مصيبه
لانن حاس انه بيصير شي.. عاد كاتم احساسه صــادق بالحيل..
طبعآ طالعين بسيارتين
اهو بسياره وابوه بسياره
هو معه عيال اخوه
<<<<مظلوم دايم يلصقون البزارين فيه
<<<<حتى وهم ياخذون عمرة يعطونه البزارين كل ابوهم
المهم
ابوه يمشي قدامه
وتعرفون سواقة الشيبان
تغث اللي ماينغث
اهو فيه نوووووم
وابوه مهدي بالحيل
ويشغل اغاني
ويحاول انه يلهي نفسه مع ولد اخوه<<<<راضي بقضاء الله وقدره
الزبده
حاول وحاول وما قوى<<مقتبسة
اللين وصلوا للطريق الدايري الشمالي
وش صار يسوي؟
صار يهدي
ويخلي بينه وبين ابوه مسافة من نص كيلو الى كيلو
ويحط راسه.. يعني ينوووووووووووم
واذا شافه ابعد
يدعس بالسياره لين يوصله
واذا وصله يهدي
وينوووووووووووووووووم
وعلى هالحاله
اللين اتى مالم يكن بالحسبان <=== من فوائد تبطحي عند التلفزيون ومتابعة سبيس تون
دعس للسياره
وماصحى الا وهو يشوف لوحة سيارت ابوه.. (و ج ع 376)
وما امداه يفرمل
ويصنّه على الصدام اللي ورا
ونقزت سيارة ابوه لقدام عشرة كيلو<<<الله من زود النصب
<<<يعني الشارع فاضي
ويقوم كاتم هاللئيم يتعدا ابوه
الا وعقال ابوه مايل
<<خبره صح؟؟
ومتعلق بالدركسون ومفهي ...
وهو يقول " هالولد مهبول .. الله يخلف علي بغيره"
المهم
كاتم ماوقف
وابوه يدق عله : يقول له:" ابك وتزف,,, عيال اخوك بتذبحهم"
وتزف=وقف
قال له: يابن الحلال الوعد في البيت
كاتم بغى يبتسي والله<<<<وشوله الحلف الحين
خايف على عيال اخوه وما خاف على ولده
المهم
العالم قامت تحدهـ
يحسبونه صادم ومنحاش
المهم هدى الين جاء ابوه قدامه
وصار يمشي وراه
ويوم وصلوا للبيت
قال له ابوه واشفيك؟
قال له كاتم: يا ابن الحلال فيني نوم
وتراه حديد يتعوض اهم ماعلي صحتك وطولت عمرك <=== حس انه احرجه
وقال في نفسه ياهيييييه يا انا <==== ضمن انه ماراح ينطق
وطبعآ عاده عند الشيبان
انه يدور اي سبب على شان يطق ولده
قام يفكر أبوه..
وقال له........
طيب ليه ماوقفت ننتظر الدوريه على شان ورقة الاصلاح؟
قال كاتم:
تخيل اني وقفت
وجاء عسكري
وقال وين اللي انصدم؟
ووين اللي صادم؟
واكتشف ان ولد صدم ابوه؟
وش بيكون موقفنا؟
قال أبوه يعني حسيت انك غلطان؟
قال كاتم وبكل براءة: ايه
قال ابوه :طيب
ونزل العقال
وضربه ضربآ مبرحآ
كككككككككككككككككككككككككككككككككككككككككككككككككك ككككككككككككك
للمعلوميه: السيارتين كلها ماتضررت واجد
ههههههههه
مواقع النشر (المفضلة)