[align=center]
أخواني
أســعد الله مســائكم / صبـــاحكم
بالخيـــر والرضــوان
أخواني هذهي القصيده كتبتها بعد ماحصل لي موقف بمستشفى قوى الامن بالرياض قبل اسبوع
مع احد الطالبات بجامعة الملك سعود للبنات قسم التمريض وهي تطبق بالمستشفى .
وكانت معاي مريضه.
ومن حسن الصدف ان هذهي الممرضه عضوة بمنتدى الزين لأريد ان اطيل عليكم ولاكن القصيده مضمونها فيها ..
تقبلو تحياتي مقدما [/align]
[poem=font="Traditional Arabic,5,tomato,bold,normal" bkcolor="white" bkimage="" border="double,10,tomato" type=2 line=0 align=center use=ex num="0,black"]
يالحن أرجوك تسمعني تعال إقرب أبيك ألحين=أبحكيلك صدف صارت عجايب يالله ألعانه
أبحكيلك عجيبه لو نقارنها بسور الصين=يطيح السور مع صينه وتهدم ساس بنيانه
يابن عمي ترى والله ماقلت السالفه تخمين=ترى والله يابن عمي خلايا المخ حيرانه
بمستشفى قوى أمن ألرياض اليوم يوم ألحين=أبا أداوي ولكني جعلت الحال مرضانه
في حالت جيتي يم ألكونتر شفتها بالعين=بعد مابطيت أنا واقف جعل عيني ب أعيانه
وقالت: آمر إش عندك؟ وقلت: إمراجعه تدرين=أنا تعبان من وحده معي أيضا وتعبانه
وفجئه! دق جوالي وقلت: أهلن هلا وأهلين=وكلمته خوين لي يصوغ ألقاف ب ألحانه
عزمته قلت شرفني تعال إلمنتدانا الزين=وشفت ألبنت لدتلي وصدت سرع لفتانه
أخذت أشوي قالت: لي أخوي أنته وش إسمك مين؟=في ذاك ألمنتدى ولا أنا مافهمت غلطانه؟
وقلت: أنتي يابنت أنتي علامك تكثرين السين؟=نعم شاعر هناك أبدع حروف ألحب هيمانه
وقلت: إسمي بعد ( شاعر مشاعر ) كانك إتعرفين؟=وقالت: بس وعرفتك وقفّت قلت: يافلانه
كذا رحتي ولا قلتي لي إسمك لازم إتقولين=وقالت: آسفه ماقدر وشفت البنت خجلانه
يالحن أليوم أنا ببدع بحرف أطغى من ألطاغين=بحرفن يعجز الشاعر يجيبه لو بكهانه
بحرفن يعجز إبصفه لنا حامد مع السكين=ولا شاعر ولا شاعر قدر في صف قيفانه
يالبى ألعين مع جسمه يالبى رزة ألردفين=يالبى الصوت والمبسم كما ورده ورويانه
أنا أشهد يالحن والله جعلني آفتر أو بتوين=بعد ماشفتها والله فتحلي الحب بيبانه
بنات الجامعه والله ولو صفن يجي ألفين=ولا مليون لو صفن تبي ترجح بميزانه
بميزان الحلا يالله وكيف ?أجيبها? ومنين?=أقول: ألمختصر ماله شبيه إبكل أزمانه
أشك إنه كذا آيه وعبره معجزه للدين=مثل آية عصى موسى مثل خاتم سليمانه
أنا أستغفرك ياربي مادامي جالب الذنبين=بذنب ألي كتبت و ذنب شوفت هاذي الدانه
عجيبه طولها يمكن يجي ميه مع السبعين=ليا قفت كما عودن تثنى بين أغصانه
ووزنه أعتقد يمكن يجي وزنه كذا خمسين؟=تناسق وزنه أو طوله جعل حبي بزنزانه
ورمشه قام إيزولي جيوش إبمعركت حطين=نبال إرماحهم رمشه قطع بالقلب شريانه
وعينه وسعها ثاني ولايِلّقى مع ألحلوين=عيون ألضبي وليا أرمش ضعف بالقلب خفقانه
وحجانه يالبى رسم حجانه كما قوسين=تعلى العين جمْلّته يازينه ضمن حجانه
وثغره لابتسم قدمي فتح فمي مع الساهين=سحرني نعنبو حيي وهو بالقلب سلطانه
وصدرن رزته رزه خلِق ربي ماهو تحسين=كما ذيبن رفع راسه عوى في راس ضلعانه
وشعره أسودن ياصل ليا فله إلى الكعبين=تعدى الفخذ والركبه وصل لاكعب كرعانه
وعمره يمكن أتوقع يجي أربع مع ألعشرين؟=صغيرن توه إبسن الشباب إبعطر ريحانه
ولو قالو: ترى الساعه تبي تضهر بعد سنتين!=وعلم الغيب عند الله ماهو للجن وإنسانه
ولو قالو: يبي يظهر لك الليله ترى التنين!=وهو من طائفه ولّت قرضها الله من أكوانه
ولو قالو ترى شارون سحب جيشه من إفلسطين!=وخفت حرب بغدادالعراق وحرب شيشانه
ولو قالو: بإنه بوش ركب عيره معه عنزين!=وراح إمعقب ألحرّه يزور بلير مع ضانه!
بذاك ألوقت أقول إنه بزينه يوجدن ثنتين=وانا مؤمن له إلحاله وقلبي زاد ب إيمانه
أنا مسلم واعبد الله أعبد الله وأعرفه زين=أعبد الله بتوحيده أعبد الله سبحانه
ولكن أنت يالحن ألمشاعر صحلي ألغافين=وساعدني قبل يمشي شعيب ألحب وديانه
ويجرفني معه ثمّنْ أضيّع بين هالجالين=ياإنه زان لي حبه أو إني متْ غرقانه
تراها يالحن قلته هنا في منتدانا الزين؟=أبيك إتشوفها ليه وحالي هدت أركانه
ترى هاذا الصدق والله ولاجبته كذا تخمين=حقيقه معجزه صارت تجر ألحرف بألحانه
نواف الســعدوني[/poem]
مواقع النشر (المفضلة)