السلام عليكم ورحمة الله وبركاته
وكل عام وأنتم بخير وصحه وسلامه
والله يتقبل طاعتكم جميعا :25ar:
من زمان عن ذا الله يعين بس
شنونكم عيالي واحفادي عساكم بخير :25ar:
المهم كالعاده ماحب المقدمات الثقافيه والتنسيق والتزين ........ والخ images11
اليوم بتكلم بموضوع مر على الكل صغار وكبار وشباب وماراح ينتهي الى قيام الساعه
موضوع الشخبطه
شباب الحين انتو وش هالحركات متى بتعقلووون هاه
وربي ازعجتو امة محمد بسوالفكم
وترى هاه لاحد يدخل يتفلسف ترى اتكلم بشكل عام
يعني مافي احد ماشخبط الا مارحم ربي
عندكم هوايه اوب طبيعه
ماظل جدار مدرسه ولا سور مقبره ولا بايكات بحر ولا سيارات كل مكان كل مكان كله شخابيط وكتابات
الحب عذاب ابو عراده ابو فلان ابو عنتر الفريق الفلاني عز والفريق الفلاني طز / ما ابي اذكر فريق معين اخاف تقولون متحيزه وتجي لي قواير كوكا كولا من كل حدب وصوب
قلب مرسم جهه عدله وجهه مطعوجه شكل راعيه عنده ازمه حاده لا والقلب مضروب بسهم مطعوج
شكل السهم من مخلفات الحروب التاريخيه وكم نقطة دم الا وباللون الاسود شكله حاقد راعي هالقلب :8ar:
والله والله وين ماروح وين ما اجي كله كتابات وشخابيط حتى المساجد مارحمتوها
لا والادهى والامر الله يكرمكم الحمامات
يعني الحين متحضر حضرته اللي داخل دورة مياه حريم وكاتب رقمه لا واسمه مستانس قدره والله
وحدث ولاحرج في الباقي
المشكله ان هالهوايه ذي شباب تنبع عندكم من الصغر
مدري هي هوايه ولا فطره
مثلا عندي ولدي راكان دولابه صاير تبن من الشخبطه فوضى
لا وكاتب عليه ( ممنع الاقترب) يعني ممنوع الاقتراب كبريت مصهور مو دولاب
وانواع السيارا والطائرات وجميع الالات الحرب بالاضافه الى عضمتين وجمجمه
وكل الللي بالدولاب كم بدله وكم سروال وعلبه فيها اسطوانات
اما الاناث يالبى قلوبهم نعومه منذو الصغر
حد شخابيطهم قلوب ورود فراشات
يعني مقارنه دولاب راكان مع ماريا فرق السما عن الارض
ماريا فراشات ورود ملصقات جميله
انزين يعني شنو الحل بالظاهره المعاقه ذي متى بتعقلون وبتذكرون الله
تصدقون وربي قبل فتره رايحين مطعم قاعده اقلب بالقائمه شفت مكتوب اريج مع قلب واحبك
بلون ثاني وخط ثاني واحد كاتب على تبن طبعا هي مو على تبن كلمه اعظم بس تشفير
ياربي طفشت ماراح اخلص الى بكره لو بظل اكتب
متى تعقلون هاه متى images11
اسفه على الاطاله احبابي بس من جد مستغربه من هالظاهره
طبعا في بعض الكتابات لايجوز ذكرها هنا حسبي الله على بليسكم ماتخافون الله
ملاحظه الموضوع عام مو مشار الى احد معين
والسلام عليكم ورحمة الله وبركاته
واتمنى لكم صوم مقبول وافطار شهي :25ar:
مواقع النشر (المفضلة)