كحيــلان تاكي بالبيت يتصفح الجريده ولا له من الشيطان طاري , ويسمع صوت ينادي
ياهوه ماتتعب وانت تكتب !
ويتلفت ماحد جنبه , ويستعيذ من إبليس ويكمل تصفحه , ورجع الصوت نفسه : تستغفلني أنت ؟ أنا هنا ياشنب
ويتلفت كحيلان ويلقا طرف ذيل فار ويخليه ! , قبل مايرجع يلتفت للنت , قال : إيه أنا أنا فار وراك مستحقرني !
كحيلان لاشعورياً شال الزبيريه وقال : آيآ الهيس , نسا إنه حيوان ويتكلم !
الفار : لالا يابن الحلال هد أعصابك ومايحتاج ذا الزبيريه , خل أقولك يابن الحلال وش أنا جاي له !
كحيلان توّه يفطن إنه حيوان ويتكلّم , وهو مستغرب : أنت فار ؟
الفار قال : لا والله أسد بس توي جاي من حلاق تركي ومنعّم !
كحيلان : قل قسم !
الفار : منتب مصدقني يعني أنت ووجهك ذا اللي كنه أباط إسماعيل سرور !
كحيلان : إلآ إلآ مصدقك يابو شبل وش دعوه عاد < مصدق إنه آسد خخخخخخخخخخخ
الفار : شف ياشنب أنت الظاهر لو أدخل في راسك ما ألقى غير إسمنت وسطل بويه . ماتفكر أنت
ياخي بالله شكلي شكل أسد ! ؟؟ مير أنا صكت الدنيا بوجهي ولا لقيت تنكه أشكي له همي غيرك
دحيم : ياخوي أنت تقول آسد وأنا تراي أسلك , خايف منك ترا , مير لاتقول تنكه لا والله بالزبيريه !
الفار : كل تراب بس , ياخوي أنا عندي هم وشايله في صدري .. دحيّم مقاطعه : ثقيل عليك خل أساعدك خخخخخخخ
الفار : إنطم بس , الهم من ناحية ثقيل والله ثقيل ولايشيله لا أنا ولا أنت يبي لنا تنكه غيرك يساعدنا !
كحيلان : لاتقول تنكه , أنت منقهر عشاني إنسان !
الفار : أنت إنسان !!
كحيلان وهو يضبط الياق : الله الله , ليه وش شايفني عرجون قاعد يهرّجك ؟
الفار : هههههههههههههههههههههههه , والله يا انتم الاوادم ظريفين ماشاء الله , إلآ أنت من وين ؟
كحيلان : تستهبل ؟ , من السعوديّه طبعاً
الفار : سعوديّه !! , طيّب بأي مدينه حنا ؟
كحيلان : والله في جده !
فجأه بكى الفار !!
وهو يبكى الفار : اللحين السعوديه مهيب أغنى دوله بالعالم ؟ , وجدّه مدينه سياحيّه ! لإني كد قريت في كتاب الوطنيه عنكم !
كحيلان : إيه حنا أغنى دوله ومدينة جده تعتبر سياحيه , إلا وراك تبكي !! , وش صاير لك ! , تعرف جده أنت ومتى جيت هنا , وش بك أنت !
تراي بديت أخاف يأخ فار !
الفار : وش أقول بس , كنت أحسب نفسي في أندونيسيا وجانا فيضان تسونامي مرّه ثانيه , ماكنت أدري إني في أغنى دوله !
ياكحيلان أنا فقدت أهلي غرقو قدام عيوني , سحبهم الما , ولا أدري وش أسوي وقتها , أنا من بعد الله طلعت بفضل سوارة بنت تعلقت بها وربك ستر
ياخي وش تبيني أقول أبوي يستنجد , إمي تناديني تبيني أفزع لها , أختي تصارخ وتصيح !!
آه يالقهر بس آ آ آآه
كحيلان : لاحول ولا قوة إلآ بالله , هذا يومهم ياخوي وأنت تصبر وإدع لههم بالرحمه !
الفار وهو ينوح : دعيت لهم أجل أحتريك , أنت ورا ماتتدعي لهم بس ؟
كحيلان : الله يغفر لهم , طيّب أنت وش جابك عنندي ؟
الفار : ياخوي لقيت بابكم مفتوح , قلت خل أبكي عندهم وأعيّن من الله خير , لمين تروح الأمطار لإني أبغرق إن استمريت بالشوارع !
كحيلان : حيّاك ياصديقي الجديد , الفار مقاطعه : لا تأمل واجد , آبو الحكحكه ياشيخ !
دحيّم : تكفى صر صديقي تكفى تكفى ,
الفار : لا لا أعذرني عندي لسته كامله ينتظرون قبولي صداقتهم !
كحيلان : أخس ياظلال الفيس بوك , مير قم قم لا والله بالزبيريه وماتلقى من يضفك !
الفار : إلآ ماقلت لي , وش سالفتكم أنتم , يعني جده وراها كذا !
كحيلان يتنهد : إيييييييييييييييييييه بس , أنا اللي وش أقول !
طال عمرك ذي من السنه اللي راحت وحنا نغرق لا حسيب ولا رقيب , ماتو شيّاب , شباب , أطفال , بنات , نساء , عجز .
الفار يقاطعه : من السنه اللي راحت !!
كحيلان : إيه
الفار : طيّب ماعندكم تصريف !
كحيلان: لا بس عندنا شفط ! شفط ماء وشفط فلوس , وشعب يموت , ماعندنا إلا هـ الثلاث !
الفار : ياخي أنتم أغنى دوله ويييين مشاريعكم اللي يتكلّمون عنها
كحيلان : شكلك نايم بالعسل , عندنا مشاريع ماتشوف أنت !
الفار : وشهي مشاريعكم ياظلال مدينة لاس فيجاس !!
كحيلان: مشاريعنا واجد من ضمنها , بناء إستاد الملك عبدالله , اللي للحين ماشفنا منه شي , ويقولون يبون يسسون ملعب خاص في الهلال !
ويفكرون إنهم .. الفار يقاطعه : أنا وش آبي بملاعبكم ودوريكم اللي من عرفناه مافيه إلا نصر وهلال !
هم زينو شي لتصريف المياه ؟ أتكلم عن جده أنا ترا
كحيلان: هاه ! تبي الصراحه الصدقيه يعني ؟ لا
الفار : خخخخخخخخ يعني أهلي ماتو بسبة مافيه تصريف وبلاعات ! آخ يالقهر !
كحيلان: لاتحسب اللي ماتو بس اهلك , ترا حتى أنا أخوي وأمي سحبهم الماء السنه اللي راحت ! وماتو !!
الفار : مهزله والله إذا في سنه ماقدرو يزينون شي !
كحيلان : يقالك جايب شي جديد , ندري إنها مهزله مير أنت وش خطوتك الجايّه , وين تبي تروح يعني ؟
الفار وهو يستحقر سؤاله : أببتل عندكم ! , ياخوي والله مدري وين أروح وأولي , شكلي أبطلع برا جده .
كحيلان رفع الجريده ويكمل قرايته : شف شف خخخخخخخخخخخخخخخخخخخخخخخخخخ خالد الفيصل وش يقول !
الفار : وش يقول ؟
كحيلان: يقول : نحن لا نعترض على المطر لكن السبب في الغرق ليس نحن ولاتضعون اللوم علينا , الخطا على المياه اللتي لم تقدر المواطن
إذا رأته يمشي بسيارته , لماذا لم تجنب عنه , وذهبت يسار , والمواطن المفروض إنه يضع معه إحتياطاته اللازمه يشتري دباب بحري
ويضعه بالشنطه واذا اتى الماء كالعاده ولم يحسب له حساب , ( يطلّع دبابه ويهج )
ونحن في وزارتنا بصدد تنفيذ مشروع كبير وضخم , ولاسبق لإي دوله أن نفذته , وهو مشروع فيه خبراء ألمانين معروفيين جميعهم !
مشروعنا هو بدال مانأتي بسيارات من دول أخرى وتذهب عليها مبالغ طائله , سنستخدم الحيتان إذا هي جيّده لمدينتنا عروس البحر ويتناسب مع أوضاعها
وبلاش مصاريف .
كحيلان يتلفت الفار وينه ! , أخ فار !!
آلو آلو , فار وينك !
كحيلان لقا له ورقه فتحها لقا مكتوب : كان ودي أسمعك وأنت تقرى كلامه بس إعذرني ماقدرت من يوم قال : الخطا على المياه , وانا دريت إنه جايب العيد ولا لقى مخرج له خخخخخ
مع الآسف أنتم يالآوادم منتب آوادم
( برب إنتحار ) . .. .. . إيه صح قبل لا أنتحر شغل المسجل وشف وش أنا حاط لك هديّه !
كحيلان حلت الورقه بالسطل , وراح يشغل المسجل , وضغط على بلاي
وسمع أبو ساره يقول : الله يالدنيا صحيح , شفنا في أحوالك عجب .
الفوائد :
1- إذا شفت الفار , إذبحه على طول لاتخليه يسولف معك
2- ترا دحيّم دلخ < قل والله خخخخخخخخخخخخخخ
3- لاتفوتكم أغنية عبادي
4- جده حالها متأزم , إدعو الله يفرّج كربتهم , ياجده حنا معك بالرخا والشدّه
الله يكون بعونهم .
تحيتي
تقيييم
مواقع النشر (المفضلة)