[align=center]
يـــامـــر
لحظه بالله أكمل صحن الأندومي وراجعه
الحمدالله اللهم أدمها نعمه واحفظها من الزوال
يـــــامــــرحــــبــــا بـــــكــــم
الله باقي أسبوعين وثلاث أيام ونعطل
حايمتن سبدي من هالدراسه والا الامتحانات اللي من بدت عيت تخلص
والا النتايج المبهره اللي حصلت عليها
أحيانا أخاف من العين
علي بلادة بسم الله علي
ماشاءالله تبارك الله منقطعة النظير
والمشكله مدامني ما أذاكر ماصرت مثل هالبنات اللي ورقتها
كلها ناقشتها من اللي قدامها
مالت علي حتى بالغش فاشله
والله شوف عيوني ذيك يوم طلعت كتابها وحلي وتسلم ورقها
وأنا أقول أصلا ربي مهوب موفقها
أنا اللي مذاكره وتاخذ 9/10
وأنا كش علي 5/10
ترا مذاكرته عشانه سلم كله ماخذينه بخامس
لا واللحين في مادة السلم بادين في فصل الخطبه وتعريفها
ومن بدا والحضور ولأول مره مكتمل ولا وحده ماتحضر
لا واللي موتني ضحك يوم قالت ان الخاطب
في الشوفه لازم يكون موجود أبوها والا أخوها المهم محرم
عشان مايصير خلوه
قالت وحده :: ليه المفروض محد يدخل معي مانيب ماخذتن راحتي
وأبوي ولا أخوي قاعدين
قامت الأستاذه طالعتها وقالت :: تاخذين راحتك في ايش بالضبط
قالت :: مانيب قادره أطالعه وأكلمه
قالت الأستاذه :: اللحين بتستحين من أبوك ومابتستحين
من هالرجال الغريب
ايييييييه دنيا بزمانا لما كانو يجيبون سيرة العرس كانت الوحده ماترفع راسها من الخجل
وشوي وتدخل بملابسها بس هالزمان والعياذ بالله
ماعاد به حيا بهالبني
الله يرحم زمان أول <<< وش تبي أم رشيد
المهم ياطــــوال الـــرمـــوش
ترا للحين مادخلت بالموضوع
هذي كلها مقدمه <<< هذا أولها ماينبغى تاليها
الموضوع ومافيه اني ولله الحمد والمنه برسب هالترم
ولأول مره في حياتي الدراسيه سأتذوق طعم الفشل المر
ولا أخفيكم جربت كل الوسائل
للحيلوله <<<< لا طشتها هالكلمه حتى ماعرف وش معناها
دون وقوع هذا الأمر اللي بوقوعه سيقع وجهي السموح
لدرجة أصبحت أستعطف الأستاذات الغير فاضلات السودانيات
<<<< والله قهر أنا أترجى سودانيه قايلتن من أول زمن أغبر
وكله كوم ويوم قلت لدكتوره ثريا الله يغطيها بالثرا
أنا عندي ظروف يادكتوره وماعندي وقت أذاكر أنا مخطوبه وأجهز
وتعبانه نفسيتي وماأقدر أذاكر
وتخلي الأوراق اللي بإيدها وتقول <<<<<< تقلقلت حنوتسها
يابتي مالازم تدرسي تزوزي واقعدي ببيتك
<<<< قعدت عليك بلاطه قادر ياكريم
أمحق حل بدل ماتاخذني بالأحضان وتطبطب علي تقولي ( ( تزوزي ))
<<<<<< هو حاصل وأنا قايلتن لا
لا ومن زود مفهوميتي يوم قالت ::
هو الزواز ميتى ..؟؟
رديت جعل عدوي يرد الما :::
في آخر الصيف <<<< يافرحة أهلي بذكائي
قالت ::
طيب ماعندك وقت تدرسي
وتكرشني من مكتبها
ترا مابعد دخلت بالموضوع الرئيسي <<<<<<< ياحـبـنـيـلـي حـباه
أنا أبي مو أغش لا والعياذ بالله
أبي أحد منكم يعلمني أساليب نقل الإجابه
من ورقة الطالبه الدافوره الى ورقة الطالبه الكسلانه اللي هي أنا
وبس
وشكرآ
ومع السلامه
وطولت عليكم
و <<<< اقلبي وجهك
((( الرجاء من اللي ماعنده ماعند جدتي ومايعرف وين ربي
ناطله لا يدلي بدلوه ويوهقنا ))) [/align]
مواقع النشر (المفضلة)