أستيقظ نصف عام من سبات الغياب و ترحال الذكريات
ليعلن موعد لقاءٍ جديد
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تلاقينا بعد غيبة زمان ٍ طال ستّ شهور = بدا كلّ ٍ يسولف عن مواجع رحلة غيابه
بدا قلبي يرتب لك تفاصيل الشقا بالدور = من اول ما فقد طيفك لآخر جرح غنى به
من اول ليله أشقتني عرفت اني بعيش الجور = عرفت اني وسط ظلمه بي الأيام تتشابه
اسولف للهدايا عن سبايب رفــّهـا المكسور = وأرتب كل إهداءٍ حظت عيني بمكسابه
صدى اخر كلمةٍ باقي أثرها في حشاي تدور = أرددها مع افكاري إذا دقّ السهر بابه
جروح الوقت والحسره وانين الموعد المهجور = على نظرة أمل وافي يسدد صبري حسابه
لمحتك وارتعش جسمي و صار الليل بدر بدور = وبدا قلبي يهنيني على ملقاة أحبابه
هلا بك يا بعد عمري هلا بك يا شبيه الحور = عباره قالها قلبي يعبّـر لك بترحابه
أناظر في تعابيرك و من وجهك يفيض النور = فضحك الشوق قدامي و دمعك كحّل أهدابه
صعب يضوي الشفق صبحه بلا تغريدة العصفور = وانا صعب علي أرضى يموت الود بغيابه
هيامي لحظة اقبلتي فرح طاير بليّـا شعور = تراقص فرحي اقبالك وسط جرح ٍ نسى مابه
ترانيم اللقا تمسح غيابٍ طال ستّ شهور = مادام انك رجعتي لي نسيت الهمّ و اسبابه[/poem]
مواقع النشر (المفضلة)