[...حفل اعتزال للشعر..]
منذ نمو موهبتي وكتابتي لاول القصائد وهناك شخص يأتي على هيئتي وكأني مريض بالانفصام..
هذا الرجل (العذل) او العذّال) بفتح العين
كان يقول لي يا فلان مالك ومال الشعر فلن يصبح لك جمهور ولن يتبع احد من الغاووون..!
وانا كنت استغرب!! وليش طيب؟؟ قالي يبن الحلال انت يبغالك ماده وواسطه عشان تطلع فالمجلات والجرايد.. وتصير على ما قالو ( راس كبير)
انا تفاءلت(للاسف) وقلت لااا اكيد فيه محبين للشعر وفيه اصيلين وفيه وفيه وفيه..
مرت الايام وكتبت انا وكتب صديقي اللذي كان يكسر القافيه << طبعا ليس عيبا وماهو عائق بالذات اذا كان عندك ولد عم صاحب مجله!!
صديقي اللذي كان يرجع لي في تعديل قصائده وفي كتابة القصائد له فالمسابقات الشعريه التي نجح فيها والتي كان يطالبني بستره ... اصبحت شاعر كبير المسافه بينه وبين صاحبه القديم جزيل مسافه كبيره جدا بحيث لا تسمح له ان يتذكرني..
معليش كنت اتفائل<<(لدغت وانا مؤمن)
مرت الايام وكنت اكتب وكان لي ناس يدعوني للشهره<< اقصد مكاين النفخ
لكني ابيت لأني ماكنت اتوقع ان الشهره هي كل شي..ومنها ان الشعر عندي ماهو مهنه
هو مجرد تسليه وتضييع وقت..ولاعمره جاب شي من المراجل<<( طبعا غلطان)
الشعر مهنه تدر الملايين حاليا وربما سيصبح اهم من كرة القدم
كنت احتقر اللذين كانو يسعون للشهره فقط ويقبلون الايدي ليشتهرو..وياللاسف كان تفكيرهم احسن من تفكيري..
لم اكن اعلم سياسة ( امسك لي واقطع لك) أو انك تنشر قصيدتي المتواضعه في مجلتك وانا استقبلك في منتداي واختم على قصيدتك بختم الابداع..
اهااا ايه تذكرت الابداع ههههههههههههههههههههه اكتشفت اني لازم اطبق شروط (العذال) صاحبي اللي يطلع لي فالمرايه
طيب افرضو انهم ختمو على قصايدي بختم الابداع وش بيعني ذا؟؟
هل يعني اني مبدع؟؟.......................لا طبعاً
هذا يعني ان خويي رئيس المجله او المنتدى... عجباُ!!!
انتظرت صاحبي المجنون وسألته قلت وش الشروط الاخرى.. علمني بعد..
قالي فيه شرط اخير يمكن لو تطبقه تنجح وتطلع فالمجله والجريده وتاخذ ختم الابداع ويصير لك معجبين كثير وحشود ........الخ
قلت وشهو؟؟
قال: اكتب بأسم نسائي
( جالك ولد بس مات) !!!
تقفلت الابواب في وجهي بعد صاحبي المجنون.. وقررت اسوي حفل اعتزال نظراً لاصابة الشعر الشعبي برباط صليبي..او (برباط تشتتي)
وها انا احرقت اوراقي القديمه وديواني ايضاً
انا فعلا اعتزلت الشعر.. ولكن لن اعتزل قرائته ولكن لن اقرأ لهم اقصد(اصحاب فيتامين و)
لن اقرأ الا لمن اختار وبكل حريه .. فلن اقرأ لهم وامدحهم ليقرأو لي ويمدحوني..
ها انا حر الان... ها انا اعطي رأيي بكل حريه.. لامزيد من الشعر لامزيد من التعبير..
من قديمي ... وهي من اواخر ما كتبت فالشبكه العنكبوتيه..
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لنا الله ياللي حاملٍ نسخة الابداع=لنا الله وانته لك جماهير شكل ونوع
نطيع الزمن ونسايره لو لنا ماطاع=وحضرتك لك صوتٍ على آذنهم مسموع
بخط القلم ولا على شاشه ومذياع=غنمتو ومغنمنا شروطه نحب الكوع
الا وا حسوفي روّح الموروث بالاطماع=بخشم الريال ومنصبٍ للهزل مشروع
روينا ظما وانتم شربتو ومنه شباع=وفي سلمكم سلم المخاشر من الممنوع
ولا تحسبون انّا على المجيفات جياع=ولا تحسبون انّا ظمينا نبا قرطوع
لنا الله...ياللي تتبعك نسخة الابداع=لنا الله وانته لك مهابيل شكل ونوع[/poem]
..
.
مواقع النشر (المفضلة)