[align=center]
[flash1=http://www.alraidiah.org/up/up/23031226220081226.swf]WIDTH=100 HEIGHT=100[/flash1]
ومعقوله تجي منك وترميني لأي إنسان !
يلملمني ولا يلقى بعيوني غير دمعاتي
أنا ماصدق أنك أنت تنهيني من الوجدان
وترميني وأنا أشوف القبر نادى مسافاتي
وكسَرني الشتاء ياوليد وأنت بداخلي دفيان
تحملت الأسى و الهم عشانك يا بعد ذاتي
وصحى بي البرد واللاهوب وأنت بداخلي غفيان
تحملت السنين ويا عسى الله يلملم شتاتي
أنا أمك ياهيه أمك حملتك والعذاب الوان
و لدتك و الألم سكين يركز داخل لهاتي
وأنا أثناء الولادة من بكى صوتك طعنت أحزان
لأني شفتك بصوتك تنادي كل طموحاتي
ومهدتك في عين وعين يشرب حزنها القرآن
و هزيتك و كان النور يتهزهز من دعاتي
أضمك في يديني لااا تجي و تقول أنا بردان
تركت البرد لظلوعي رح أسأل رعشة شفاتي
و زولك من ركض فيني لمست بداخلي أوطان
و تركتك تبني بمجدك على أكتاف انكساراتي
وتذكر يوم مدرستك صدى وكفوفنا الحرمان
و كانت رنته فلسٍ خنقته لك بشيلاتي !
كبرت وصرت بعيوني شجاع وأشهم الفرسان
وحلفت أني على عرسك لرَقص كل شيباتي
أسولف للبشر عنك أقول ولابه أي نقصان
رضع عز الشهامه شب طموحه في معاناتي
وله شان الصقر لآلآ أخذ منه الصقر له شان
يجي مثل الوضوء لا طب حنينه فوق راحاتي
يقولون الولد هو خان ! أقول وليدي لآ ماخان
و هم يدرون ما غطى منامي غير وناتي
افااا وشلون تتركني يكحلني عمى النسيان
وأنت أدرى في يوم الحشر جنه تحت خطواتي !
لك الله ما نطق صوتي لك إلا بدعوة الغفران
و لكن خوفي من حزني ومن دعوات عبراتي
تدين اليوم ياوليدي وباكر للأسف تندان
و يرمونك مثل أمك و تذكر حلم شيباتي
.. سالم سيار ..
مساء الخير
كل عام وأنتوا بخير ، إن شاء الله سنه كلها خير ومسرات لـ الجميع
من فتره سمعت قصيدة دعوة الغفران لـ سالم سيار
وأثرت فيني حيل ، حبيت أذكرها بتصميم بسيط :24ar:
لـ رؤية التصميم Click Here أو Click Here
إن شاء الله يعجبكم :25ar: ..[/align]
مواقع النشر (المفضلة)