أقرأ القصة بتمعن أخرج مايستفاد منها .... اية هين .... مايستفاد خرطي !!!!
°ˆ~*¤®§(*§*)§®¤*~ˆ°السلام عليكم ورحمة الله وبركاته°ˆ~*¤®§(*§*)§®¤*~ˆ°
أ أ أ أ ف طفشااااااااان ... من شوين منحليلي ..
بس قعدت اشوف برنامج على فلاش ... جاني شي ماهو طبيعي ...
بعمري ماشفت ناس بمثل هالبياخة ... ناس سقيمة ... اعوذ بالله ..
لا وكملة ... قناة الفرات ... يغنون ويرقصون يوم اعلنوا اعدام صدام ...
ومسوين تهنئة لشعب بغداد بعد وبقولون بة ..
(( نزف الى اهالي بغداد ارق التهاني بمناسبة اعدام الطاغية صدام ))
ياخوي وين حنا عايشين ..
ومن زود الطفش دخلت جو ...
وغرقت ببنات افكاري ..
وغمضت عين وفتحت عين .. وبديت أحلم ..
وين أنا .. ؟ اعرك عيوني .. ياربي وين انا بوة ؟ غابة خضراء .. وشجر وانعام ويالله
من فضلك
جنة الدنيا .. وقعدت امشي الا القالي صوت حصان يمشي .. واتبع الصوت .. الا عربة
مشبوكة ورا الحصان ..
قات يالله فرصتي .. واقوم اركب ورا العربة من دون مايحس بس احد .. والا توقف العربة
فجأة خير وش اللي جانا ؟؟
واسمع صوت واحد يقول .. أخيراً حصلت عليكي ياسندريلا .. وانزل من العربة والتغف
ورا الشجرة
ويقوم هالشرير يسحب سواق العربة ( ياقوت )ويفدعبوة .. ويرسل ثنين من رجالة ينزلون
السندريلا من العربة وخدامتة ..
وعاد انا بما اني حريف كيرم.. وبالحصى أقوم أمزخ الأول .. همن امزخ الثاني ..
وطلعت من ورا الشجرة
وقعدت اتفنن عليهم بالعقال ..
لمين هجوا وهج معهم راعيهم .. اللي هو (( الشرير الدلخ )) ..
وقامت تشكرت لي سندريلا .. وقالت : لااعرف كيف اشكرك ايها النبيل ..
وقلتلة : وش دعوى عاد اركبي عربتس وانتي ساكتة
تخبرون قوايل وحر وماني رايقن لأحد
وركبتن معة بالعربة ورحنا لم قصرهم ... وودتن لم الوالي اللي هو البابا بتاعة ..
ورحب بي .. وقال ..خذوا الغريب الى قصرة ((غرفتة )) ..
ويوم رحت قصري يدخل علي ذاك الدلخ ..
وقالي : اذا ارت شيئاً لاعليك سوى ان تقول (( ياحاجب .. ياحاجب )) <<< حاجب والا
رمش ..
قلتلة ابد ابشر ..
ويوم قمت الصبح من النوم الا واسمع سواق العربة ( ياقوت ) يحتسي على الوالي
ويقولة ..
كان معة حبل متين يسمى عقال ؟؟
ودخلت عليهم وقطعوا السالفة .. وينغز الوالي حارسة ويقولة :
ان هذا الرجل من تركيب وجهة تُــحس انة شجاع ..
وسألني ..من أين انت ياشجاع؟
لابد انك قطعت مسافة طويلة حتى تصلنا .. نرحب بضيفنا الذي انقذ ابنتنا بعقالة
العجيب ...
والمهم ..ومع الأيام تولعت بي هالطخمة (( سندريلا )) ..
وعزمتن على طلعة معة بكرا العصر .. قلت ابد امري .. مايصير خاطرتس الا طيب ..
اطلع معك وش وراي ..
وطلعنا العصر الا انا خاقن خشتي معة كليت الجو كلة .. ماسولف الا انا .. وقعدت انكت
علية
لمين تليشت من الضحك .. لين قالتلي .. ويحك .. اتريد ان تقتلني من الضحك ؟؟
قلتلة : لا ..بعيد الشر <<<< اخس يالشامي ... لايق بالحيل مرة
قالت : من اين انت ؟؟
كذبت علية وقلت: من الرياض .. تعرفينة ..
قالت : نعم اعرف ان الرياض جمعه روضة هي مكان تجمع الامطار ..
قلت : اية هين تجمع امطار ...
قالت : اذا من اين جئت ؟؟
قلت : أنا فجأة كنت هناك وفجأة كنت هنا ..
وطوينا بالحتسي .. لين سألتة :
تعرفين لعبة بيض الحمام ؟؟؟؟؟؟؟؟
قالت : حلفتك بالله ان تقولها لي ؟؟
وعلمتة علية وياعلة ماهي عادة ؟؟
لعبنا حتى وصنا لـ 4719 بيضة ..
وعاد عزلنا ودخلت ابي انام ..
ودخل علي الشرير الدلخ ..
وامر بتفتيش الغرفة ..
حتى لقى معي عقالي وامر بسجني ..
وانا بالسجن دخلت علي سندريلا وقعدت تصوت لي ..
ياغريب .. << اية اعرفة هذي من عبدالكريم عبدالقادر
قالت : هل أنت بأمان في السجن ؟
قلت : ليست بضنتي يا سندريلا المكان ماهو أمن ..
وعاد مشت سندريلا من السجن وهي مكسورة الخاطر على حالي ..
وتعرفت على اللي معي بنفس الغرفة بالسجن واسمة (( بعير )) ...
وقلت لة وش اللي جابك هنا .. قالي : انا كنت خادم عند سندريلا
وفقدت جوز من احذيتها .. واتهمتني بسرقتة .. وجاءت بي الى هنا
.. قلتلة وشلون هي قايلة الجزمة .. قال : انة حذاء مصنوع من الألماس ..
قلت : ابد بس وصلت خير .. هالحذاء عندما دخلت على مدينتكم وجدتة مجدوع على شجرة
وخذيتة ووزيتة تحت الشجرة .....
رد علي : اتعرف مكانة ؟؟
قلت : وانا وش اقول انبح حلقي .. موزية بمكان مايعرفة الا انا ..
وقال بعير : انا فتحت فتحة بجدار هذة الغرفة .. واريدك ان تهرب معي ..
قلتلة : طيب وشنوحك ماهجيت من مبطي ؟؟
قال : انتظر احد يؤنسني في هروبي ..
قلت : .......
وعاد طلعنا نبحث عن الحذا ولقيناة ..
والا الدلخ الشرير فوق روسنا ..
ويمسك الجزمة .. وامعطة من يدة
قال : فك أيها الوغد
رديت علية .. قلت : انا الوغد ؟؟ واقوم اكفخة
ويقوم هو ويشوتن برجلة الا انا طايحن من الكنبة وينقطع حلم هاليقظة
....
وجتن حالة غريبة .. الله يازينة من حلم ..
شي مو طبيعي ..
واشوف التلفزيون الا قناة الفرات ماعدوا يرقصون ويغنون فرحاً وطرباً بمناسبة
موت ...
~*¤ô§ô¤*~*¤ô§ô¤*~الطاغية صدام ~*¤ô§ô¤*~*¤ô§ô¤*~
وهذا المختصر من الحلم اليقظي ...:59ar:
وتوتة توتة .. خلصت الحتوتة ..
حلوة .. والا فتفوتة ؟؟؟:34ar:
لاتنسون ... ردوا السلام
مواقع النشر (المفضلة)