هلا فيكم وربي يحييكم
هذا موضوع خفيف نقلت معلوماته وحبيت اشاركم واتمنى يحوز على رضاكم وتحفظون هذه المعلومات البسيطة كتذكار قديم لأجدادنا ..
السيارات اول كان لها مسميات ، طبعا كلها وصلت لأراضينا الخليجية من الخارج ...
ولكن أول ماكانوا فاهمين اللغة الانجليزية عدل ، واول ماوصلت السيارات كانوا يسمونها بغير اساميها ..
مثال :
البيك آب / الهايلوكس والداتسون
كان لها مسميات فالبعض منهم يطلقون عليها : وان إيت = 81
اكثر من سبب لهذه التسمية ويختلف من منطقة إلى أخرى
من الأقوال :
يقولون أن السيارات اول ماجت للملكة كانوا الاولين يعطونها ارقام مثلا : الكابرس = 1
الفورد = 2
وهكذا لحد ماوصلوا النوعية هذي من السيارات وعطوها رقم :-
البيك أب = 81 ون ايت
وفي قول ثاني :
ان اول ونيت دخل السعودية كانت لوحته 81 فسموه وسموا الموديلات بعد مرور السنوات ايضا ون ايت
وقول ثالث :
ان مقاس السيارة كان 1 / 8
وكانوا يسمونه وان - ايت وهكذا تحولت إلى ونيت
نجي للوايت ( الصهريج )
الصهريج قديما كان يسمى " وايت "
يقولون لأن اول سيارة من نوع صهريج دخلت الاراضي السعودية اسمها بالانجليزي ( وايت ) - وهذا النوع انقرض - المهم من بعدها كانت كل المسميات للصهريج بعد مرور السنين ( وايت ) و ( الوايت )
نجي للـ G M C ( جمس )
طبعا كلمة G M C من الوكالة نفسها الامريكية اختصار لأسم السيارة ( المعذرة نسيت الاسم بالكامل ) المهم صاروا اجدادنا يسمون هذه النوعية من السيارات مثل اختصارها : جـمـس
ددسن - داتسون ( البيك آب )
ايضا من المسميات القديمة لهذه السيارة
حاليا ومع مطلع التسعينات الميلادية ( طبعا هالشي مايعتبر قديم حيل ) ولكن لتكملة الموضوع :
تغير شكل الكابرس واصبح يشبه ( الصابون - صابون لوكس ) من الخارج
واتذكر يوم انا صغير يطلقون على هالنوعية مع مطلع التسعينات : صابونه - كابرس
ومن اقدم السيارات المستخدمة في الماضي هو : الفورد
وايضا : الداتسون - الرنج لوفر - الجمس - الجيب -
من السيارات المشهورة والمستخدمة قديما : الديهاتسو - ديهاتسوا ، واعتقد انها تابعة لشركة تويوتا أو نيسان
صور منوعة لسيارات كلاسكية وقديمة :
فمـــــ الله ــان
مواقع النشر (المفضلة)