سلآآآم من الله عليكم
يالله حي كل من فيذ1 ، وش اخبار كل خشه ؟
ان شاء الله تزقحون ؟
.
.
.
في يوم من الأيآم من الإجازه الوعه
( مثل مآتعرفون إجآزه ، وأنوآع الملل ، ومآبه جديد كل يوم مثل اللي قبله وأخس .. gif22 )
قلت ورآ ياوحيدهـ مآتشغلين مخك وتدورين شي يسليك ويكون مفيد ( يسمونه استغلال الوقت بشي نافع وش عرفكم انتوا اصلن )
وقعدت أفكر وأفكر وأفكر ، وأفكر
وأفكر ،
شوي وتنط لمبه فوق راسي
مآفيه غير اميمتي ، ابروح لها ، يمكن ترأف بي وتطلعني وتآخذ أجر فيني gif22
وأدرعم لغرفة امي وادز الباب برجيلاتي وأدخل
أنآ : السلااااااااام عليكم دار قوم مؤمنين
أمي : أعوذ بالله من ابليس ، وش تبين يالملسونه ، وبعدين وش شايفتني ميته قدامك !
أنآ : يؤ بسم الله ، وبعدين أبد يمه جايه اتطمن عليك ، تصدقين وحشتيني لبى قليبك
أمي : دوري غيرها ، وش تبين أخلصي !
أنآ : نزلت راسي خجلا ( كشفتني الوالدة ) ، قلت اييه يمه أبي اطلع
قسم طفشآنه و من الصبح قاعدتن بروحي ماغير انظف مواعينكم واطبخ اندومي لقرودكم واتصل ببنياتك اللي بالسوقه ، وبعدين اتصلت بجدتي تعرفين صلة رحم ، وبعدها اتصلت بجدتي الثانيه عشآن ماتحط بخاطرها وتتزيعل gif22
أمي : اياقليلة الادب أحد يقول عن جدته تتزيعل
أنآ : يمه صدقيني ادبي كآمل
أمي : برآآآآ برآآآآ
أنآ : منك لله ، و طلعت بكرامتي gif22
.
.
.
نزلت الصاله
وجلست أشاهد التلفاز ، بعد مآبه جديد ، يآوحيده وش السوآة وش السوآة
وتنط هـ المره لمبتين فوق راسي
وأمسك التلفون وادق على جدتي ( أم أبوي حفظها الله ورعاها للأمه العربيه والإسلاميه :24ar: )
أنآ : الوو الست ( اسمها ) ؟ ( تريني اتكلم لبناني )
جدتي : يامرحبا يابنيتي ، ايه بيتها ، آمري
أنآ : كيفك ياخاله ؟
جدتي : بخير يابنيتي
أنآ : والله مابعرف شو بدي احكي لكن انا جايتك ولي طلب عندك ومالي غيرك
جدتي : آمري
أنآ : ياخاله انا بدي مصاري اشتري بأره ( بقره ) مرقشه مشان اذبحها للعيد
جدتي : ماطلبتي يابنيتي لك اللي تبين ، تعالي لي وابشري
أنآ : جــــــــــــــــــــــــــــده ، توزعين فلوسنا على العالم انتي ، وبعدين هذا مهوب عيد لحم
جدتي : أدري انه انتي ، طراااخ ( سكرت بوجهي gif22 )
( ينعاف اللبناني عقبي )
رجعت اشاهد تلفاز وبعدين قمت اضحك ( سولفت مع عمري سالفه أول مره أسمعها )
ألا بأبوي داخل
أنآ : ياهلا والله تو مااسفر البيت وأنور ، ارحبو
أبوي : ياهلا ببنيتي > ووهـ بص p;jolvldkv:24ar:
أنآ : جعلني ماخلا والله ، وشلونك وش اخبارك وش مسوي ، عسآك طيب ، شخبار الاسهم ، شخبار العيال ، كل عام وانت بخير ، شلونك عساك بخير ؟
أبوي : اسال عنك
أنآ : الله يسلمك
( عآد كنت بقله يطلعني ، بس امي نزلت images8 )
أمي : ياهلا والله ، قومي ياوحيده سوي شاهي لابوك ( ياحليله اسمي )
أنآ : يمه انتي حرمته وقومي سوي له
أمي : بلا هذره وقومي صلحي له وآحد وجيبي له الجريده
أنآ : ماوبي مالي خلق :11ar:
أمي : يا يمه لازم تسمعين الكلام بكرا لا اعرستي رجلك مهوب عاذرك ،
أنآ : يمه انتي تبين تفتكين مني وأنآ مدري
وألف على ابوي
أنآ : يبه أنت عاجزن عني وعن مصاريفي
أبوي : كلي لك > قلنا ووهـ بص :24ar::*
أنآ: سمعتي يمه ، يالله فديتك قومي سوي لرجلك
أمي كشت علي وراحت المطبخ gif22
رجعت لأبوي
أنآ : يبه يبه
أبوي : لبيه
أنآ : لبيت حآج يبه ، ودي اطلع وش رايك ، وقبل لاتقول شي ، ترييني زهقانه وعوير وزوير والمنكسره واللي مافيها خير يلعبون سوني وطارديني برا الغرفه ( أخواني الأصغر مني ) ، وخوآتي الكبيرات طالعين يتشرون ، وش السواة يبه ، ابي اطلع ، ارحم حالي تريني فقيررره gif22
أبوي : ابشري يبه ، وين تبين تروحين
أنآ : تويز ار اص
أبوي : وشو ؟
أنآ : تويز ار اص
أبوي : هذا محل العاب وش تبين به
أنآ : بروح اشتري عروسه gif22
أبوي : قولي مكان زين ولا مافيه طلعه
أنآ : والله صدق يبه ابي اروح تويز ، ومنها نروح للبقاله ( ياربيه انا تقولين معلقه في البقالات ، شكل امي يوم حامل فيني توحمت في بقاله )
أبوي : الشور لامك ( يدري امي مهيب موافقه وحطها بها )
أنآ : أنت قلها ومابتقول لا
أبوي : زين ، يا ام اخوي ( ) ، بتطلعين مع بنتك تويز ار اص
أمي : ايه اصلن نحتآج اغراض للبيت وتويز ار اص جنبه بنده ( أنا اقول بعمري يالله لك الحمد جت منها )
أنآ : يبه مشكور يجي منك أكثر
أبوي : ليش ذابحن لك احد
أنآ : لا يبه بس اشكرك أنآ ، وش فيييك
أمي : ياربيه الله بلاني ببنت عنز ، يالخبله يقولون يجي منك اكثر لاحد غلط عليهم
أنآ : اهاا
المهم مهوب عآئق ، واطمر البس واوقف عند الباب
.
.
.
في السياره
أنآ : يمه مايصير كذا ، كله انتي تركبين قدام ، في الرجعه انا بركب مالي شغل
أمي : ماني فاضيه لمبرزتك يالبزر ، انكتمي
أنآ : اوف محد يمزح معكم gif22
وألف على ابوي
أنآ : يبه يبه
أبوي : يالبيه > :24ar::*
أنآ : يبه شغل لنا شي نسمعه
أبوي : ابشري
وحط لنا ابو نوره
أنآ : ووووووووووووع ، يبه وش ذ1 ، خبري بك متحضر
أبوي : يايبه تبين بو نوره ولا لايكثر ( بدت تخرب )
أنآ : لايبه والنعم ببو نورهـ > خآفت gif22
وصلنآ تويز ار اص ، وانزل مسررررعه
( آآه ياتويز ار اص ، قسم بغيت اضيع ، وشهي الالعاب اللي تطير العقل بغيت انهبل ، وماخليت لعبه الا ابي اشتريها ، بس تفشلت وما طلعت الا بكوره )
وطلعنا من تويز ار اص
واتجه لـ محل حيوانات
وأبوي مسيكين يروكض ورآآي ، وامي بالبقاله
وفجآه
استوقفني مشهد
وش هو ذاك المشهد ، اللي خلاني افهي
حيه محطوطه بصندوق
واطمر لها ، واتمقل فيها ، وهي تطالعني بنص عين ( يعني وش تبين )
أنآ : يبه يبه
أبوي : لبيه
أنآ : يبه ، أبي حيه
أبوي : وشهو ، وش حيته يابنيتي
أنآ : ابي حيـــــــــــــــــــــــــه ،
أبوي : استهدي بالله
أنآ : لا اله الا الله محمد رسول الله ، اللهم نسألك العفو والعافيه ، نسألك الهدايه يارب ، الحمد لله ، يبه محد بمعي بالبيت ، وباخذ الحيه تسليني , والإجازه طفش ، ولاتخاف بتصير سميتك gif22
أبوي : يضحك قليلن ثم يسكت ويطلع برا المحل
( وأنآ ورآآه ، ابي الحيه يعني ابيها ، اخر شي قعد وقعدت وياه لين طلعت اميمتي من البقاله ، ورجعنا للبيت ومآ ركبت قدام بعد gif22 )
.
.
.
مآ يستفآد :-
1- لآ عاد تمزحون مع اميماتكم .
2- لآ تتذيكون وتستخفون على جداتكم .
3- كل وحده لازم تسوي شاهي لابوها عشان تعرس وتفتك .
4- الإجازه وعه وتلعب بالواحد وتهلوس له ومحتمل انه يفكر يشتري ( حيه gif22 )
5- ماعندكم سالفه تقرون لي .
.
.
.
آووه نسيت آقول آللي يقرآ آلقصه ولآ يرد عسآه آلحول آهم شي ترد وآللي تعجبه يآلبا تسبد تسبده .. ( مافيه اسلوب )
فمآن الله $222
مواقع النشر (المفضلة)