(طيف عابر)
على ذكرا بقايـا الأمـس
ومع لحظة غروب الشمس
همس بذني غرامك همس
الا ياطـيـف ياعـابـر
سألتـه ويـن راح اللـي
ماغيـره احـدٍ يسـلـي
عسـى ماهـو بمتغلـي
علـى والا رحـل هاجـر
وحـرت بعالـم الأفكـار
وشعشع كوكـب التذكـار
صحيح ان الزمن غـدار
فرض امره على الصابـر
اخذ منـي اعـز النـاس
ترك لي هـمٍ وهوجـاس
ورحله انتهـت باليـأس
وليـلٍ يخـدع السـاهـر
ورجعت اشكي هموم اليوم
وانا مالي عن المقسـوم
سماء حب اكتسا بغيـوم
غيـومٍ تكسـر الخاطـر
ودمعـه تتبـع لدمـعـه
همـوم بقلـب مجتمعـه
وحـظٍ يطفـي الشمعـه
بوجهي والزمـن غابـر
بعد ماكنـت انـا وايـاه
رحل واللي بقـت ذكـراه
عليـه اقـول اهـ.. وأه
اردد أه واكـــابـــر
زماني صرت انا لحالـي
حبيبـي وينـه الغـالـي
تعبـت وطـال مـوالـي
الا ياطـيـف ياعـابـر
_________
بقايا جروح أمس
[poem=font="Simplified Arabic,4,purple,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
له صورةٍ عيـت تفـارق خيالـي=متربعه على بقايا جـروح امـس
هي العزاء لامن تذكـرت غالـي=وهي كل تفكيري ليا غابت الشمس[/poem]
حظي العاثر
[poem=font="Simplified Arabic,4,sienna,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على شاطئ بحرمقناء=تعيـد النفـس ماضيهـا
وتفتح صفحة الماضي=وقلبي ويـش اسويبـه
جروحي اه لـو تبـرا =ظـلام الليـل يحييهـا
يجدد جرحي الدامـي =بعـد خفـت تصاويبـه
يابحر الحب واللقيـا =دخيلـك كيـف الاقيهـا
دخيلك عنه بشرنـي = كفـا جرحـي وتعذيبـه
دخيلك يابحر قلي=عسـى ماحـدٍ فـرح فيهـا
ترى قلب الشقاء غصنٍ=سموم الصيف تومي به
دخيلـك عطنـي البسمـه= وعينـي لاتبكيهـا
ترى عيني على الطاري=ذريف الدمع تسريبـه
وعلمهـا وطمنهـا = تـرى مانـي بناسيـهـا
ولكن حظي العاثر=وقف لـي ويـش اسويبـه [/poem]
................................
للشاعر//عايدالسميري
مواقع النشر (المفضلة)