اجامل وابتسم واضحك وانا في داخلي مقهوور
احاول اكتم احزانـى ورى صـدري اخبيهـا
احاول اكتم همومى واخبيهـا وانـا مجبـور
واحـاول قـد ماقـدر ابعـد عـن حواريهـا
لو انى كنت بنطقها مع انها واقفـه بالـزور
ولكـن لازم اكتمهـا ولا ابـيـن معانيـهـا
ولو بعض البشر تدري وتكشف خافي المستور
اببلش في شماتتهـا وابتعـب مـن حكاويهـا
طبيعه ماتفارقهم طبيعه مـن قديـم عصـور
ورا حكى القفى تطرد وتنبش فـي خوافيهـا
واذا طاح الرجل مره وصار من الزمن مكسور
تجيله طعنـه بظهـره تفاجـأ مـادرى فيهـا
تفاجئ مادرى باللي بيصير ومن وراه يـدور
وخابت هقوتـه فيهـم بعـد ماكـان هاقيهـا
لجل هذا كتمت الهم في صدري وانـا معـذور
همومى في وسـط قلبـي اخبيهـا واخليهـا
واذا زاد الحزن كنى وحيـد بعالـم مهجـور
كأنى بدنيتى وحـدى وكـل النـاس جافيهـا
واذا ودى ابوح بهـم ابـد ماكتبـه بسطـور
همومى بس فـي نفسـي الحنهـا واغنيهـا
مصير الهم يترحل واعيش بدنيتـى مسـرور
مصيـر الهـم ينسانـى ونفسـي مايعنيهـا
مصير القلب لو يظلم يجى يوم ويشوف النور
مصيـر النـاس تتبـدل وتتغيـر مماشيهـا
اذا صار الذى ودى ابيـح خافـي المستـور
واخلي النـاس تدريبـي وبهمومـى ابكيهـا
ولكن بكتم همومى واخبيهـا عـن الجمهـور
وطبع الهم ماينهـى بغيـر ظلـوع راعيهـا
م ن ق و ل
اخوووكم وفيتـ ,,,
مواقع النشر (المفضلة)