حبيب الملايين (مصافحة أولى)
السلام عليكم ورحمة الله وبركاته
مصافحة اولى لهذا المنتدى الرائع قصيدة بعنوان حبيب الملاين
عرضت هذه القصيدة في جميع القنوات الشعرية بالإضافة إلى القناة الأولى.
(حبيــب الملايـيــن)
تعيش والله يا حبيب الملايين
يا للي قلوب الشعب عندك وداعه
عندك يا أبو متعب لها حول عامين
من شايبٍ لشايب لسن ألرضاعه
أخذتهم بالحب والعطف واللين
والشعب بين أيديك سمعٍ وطاعه
يا معجزه من بين كل السلاطين
لك سمعةً بين المخاليق ذاعه
ذاعه بحب الخير والعدل والدين
والنية الزينه من اشهر طباعه
رحوم له دمعه على محجر العين
وشجاعته تظهر بوقت الشجاعه
وحنا يا ابو متعب عليك مغبوطين
عساك تبقى ياحفيض الوداعه
والشعب كله في محبتك وافين
يدعي لكم من قلب ماهي صناعه
حسنت وضع الشعب من زين لزّين
ياكافل الأيتام مشبع جياعه
لك هيبةٍ خضت قلوب الحسودين
إلي يبون الآمن يطوى شراعه
لكن أبو متعب تعهد بثنتين
الدين والدولة عليها مناعه
بدري عليكم يالخبول المغلين
في ضل أبو متعب وحنا دفاعه
من دونهن لو قطّعن الشرايين
راع الوفا يموت عهده ما باعه
والمشكلة باللي غزونا قريبين
اللي كلو من خير بحره وقاعه
واليوم غازينا بخنجر وسكين
خسران يا جاحد حقوق ألرضاعه
خسران بالدنيا وخسران بالدين
الغدر والإرهاب ماهو بطاعه
لكن يا أبو متعب بسمعك بيتين
انقل بها راي الشعب وانطباعه
الشعب بأعلى الصوت مره وثنتين
سمعٍ وطاعه بس سمعٍ وطاعه
وسلامتكم...
هنا القصيده بإنشاد المبدع سعيـد الجهني
نايل البقعاوي
رد مع اقتباس
رد: حبيب الملايين (مصافحة أولى)
مواقع النشر (المفضلة)