هـام للسحــاليـ ((.. كيف تصطـادين المعرس..))
كيف تصطادين المعرس دون اللجوء الى الاساليب السقيمه من المغازلات
والترقيم والتلميح الى ماله سنع والترزز بالاسواق......................الخ
= اهم شي شي نشني على العجوز الي حاطه عينك على ولدها ثم نفذي مايلي:
1- خليكي مع امك ولاتروحين مع البنات وتتهيبلين اصبري عنهم كم شهر لين تتم العمليه.
2- امشي وانتي حاطه راسك بين كتوفك ولا ترفعينه ابد حتى لو عورك خلي الفكس دايما في متناول يدك
3- كلمة خاله خليها دايما على لسانك خاصه لام المعرس عشان تحس بنوع من التميز عن باقي
العجايز
4-ملاحظه ((لامانع تنادين عجوز ثانيه بخاله عشان اذا مانجحت الخطه مع العجوز نمبر "ون"
تنجح مع العجوز "تو" الحتياط )).
4-اذا بدت امك تتكلم انغزيها بكوعك عشان تدخلك فالسالفه حتى لو مالك داعي تطبيقا للمثل
<< كثر الدق يفك الحام>> داري المثل ماله داعي بس مالقيت غيره .
5- اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي
معهم كأنك امهم عشان العجوز تاخذ فكره انك حريصه على ذريتك.
6- كل ما اكلت امك من اكله زينه خليها تقول: نفس الاكله الي تسويها بنيتي حتى لو الاكل
من مطعم صيني او مكسيكي.
7- اذا جيتي بتمدين ايدك توجعي وخلي امك تقول:قايلتلك ونا امك ماله داعي تنظفين جدران
البيت الخارجيه.
8- اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي
ومالنا حق تكلمنا عندها (( بس لاتكتمي نفسك مره اخاف تروحي فيها وصير قتلت نفس بغير حق))
9- مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الحظه.
10 شعرك افرديه لاتخلينه طاير ولا تجعدينه مهما كانت الموظه لان العجايز مايدورون الي شعورهم
ناعمه .
11- اذا ادلت العجوز ((ام المعرس المتوهق)) بأي راي سواء سياسي والا وطني والاقتصادي
وافقي عليه حتى لو انه ماسخ وماله داعي .
مثال تقول العجوز: بوش متقهوي عندنا البارح قوليلها: وليه ماعلمتينا ياخاله نجي نساعدكم؟!!!
12-في العروس اضغطي على نفسك واقضبي ارضك ولاترقصين واعتبري الرقص عيب وشق جيب
13- اذا جاء طاري السوق وهو لازم يجي الطاري لانه ملح الجلسه عند الحريم خلي امك تقول:
بناتي مايحبون يطلعون السوق ابوهم يجيب اغراضهم.
(( وبكذا تكون العجوز وقعت في الفخ))
نروح للمعرس الحين
1- اهجدي في بيت اهلك ولاعاد تطلعين واذاجا المعرس يشوفك خلي ابوكي يقول:ودي تشوف
البنت بدون ماتدري علشان تاخذ راحتك ونا عمك وبعد تشوفها على الطبيعه ماتقول غشيتوني
2- قبل يجي اليوم الي بيشوفك فيه بحوالي اسبوع او اكثر (( حسب شين الوجه))
طامري من صالون لصالونصبغ تنضيف بشره...الخ.
3- اذا جاء المعرس خلي اخوكي يوقف جنبه عشان مايطيل التبحلق ويبان المستخبي وذلك لنظرية
(( اللمحه ذبحه)).
4- في نهاية المشهد خلي ابوكي يقول: معلش ونا عمك تر البنت شوي محيوسه((معليه يالشايب
تنصب على المسكين)) وبها اللحظه الولد بينط على راس ابوكي ويبوسه لين يشفط مخه ويقول
متى العرس ياعم؟؟؟
(( تحذير مهم بالحيل))
ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى
(( والله يوفقكن ياخواتي السحليات))
مواقع النشر (المفضلة)