صاح التميمي .. ياتميم اليوم وقفات الرجال
[align=center]بسم الله ،،
ويتجدد اللقاء يوم الخميس القادم على قناة الساحه
نستفتح الامسيه بهذه الحروف علي أوفي بها حق القبيله
ولو كتبت ماكتبت لن أوفي حقها
ولا هو قصور بجميع القبائل
كل القبايل غيرنا فيهم صواريم الرجال=اللي تفاخر لا حظر وقت الفخر برجالها[/align]
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا يا ذلول الشعر وأطوي بي مهاميه الجزال=بخايل الجزله وفكري لا بغاها نالها
قدام لا أسوق المعاني الشارده سوق الدلال=اللي يشادي خضاب بنت الهيلعي فنجـالها
مزن الهواجس هلّ وابل حرفها والشعر سال=بشعاب بيضٍ تصطفق من جالها لا جالها
الشعر خطوه لا بغيته صار للخطوه مجال=وأوسع الخطوة وأقول أبيات ما احدٍ قالها
والهزله الهزله مخلي قافها لراع الهزال = اللي ليا منــْها طلبته الهايفه غنّالها
شاعر ومتمكن وجزل ولا يجيب إلا الجزال = ويشوش راسه لا سمع صوت ( الحداوي ) شالها
شاعر يعصب عمامته لا قالوا الفزعة تعال=الدم عنده ينطبخ والخيل من خيالها
شاعر تميمي يفتخر في لابته حد الهبال=يفدى خشم عقّالها ويفدى خشم جهّالها
وعند أختصار المسئله أبسئل العالم سؤال=عدنان وش هي حيلته لامن سطى عيّالها
صاح التميمي ياتميم اليوم وقفات الرجال=وجتك الصواريم الحرار اللي تفل حبالها
هذا يقول ابشر بها وهذا يقول اليوم طال=والله فلا تحل القهاوي دون ذبح رجالها
حنا لهم متجهزينٍ قدمكم وسط الرمال=مثل الأسود اللي تحرى الصيده وتحتالها
وقامت على روس العداء تلعب محاديب الصقال = بيدين من تفدى الوطن لا عاضبت بعيالها
لين الهنادي أرتوت من دمهم وقت النزال=والدوله اللي طامعه راحت تجر اذيالها
السيف يفعل مانبي والدم فالميدان سال= مصايب ٍ فوق الاعادي ينهمر همالها
نصمل على خوض المعارك والحمل يبغى جمال = وما للحمول إن كبرت القالات غير جمالها
والناصري حميـّـر أخو عبطا بدع كلمة وقـال = يا عزتي للي غزانا و عزوته عزّالها
ويومن أبو سيف الفداوي جآه مفتاح بعجال = رح وانشد الظفره تقول إنه وفاء وأوفا لها
عشنا رجال معززين مكرمين ولانزال=على الشرف صلنا ونلنا طيبها وجزالها
يشهد لنـا التاريخ - لـنــّــا - بالشدايد كالجبـال = قوم على درب الشهـامه راجحٍ مكايلها
حنا الفهود الضاريه وشيوخ وافين الخصال=ومثل الجبال الراسيه من هازها ماطالها
من لاذ بحمانا وخاف من المضره والقتال=نضفي عليه من البلاوي قبل مايحدالها
تاريخنا كالشمس لكن غير قابل للزوال=أكد له محمد ( نبي ) الخلق في دجـالها
جنوب ولا غرب ولا شرق ولا من شمال=في كل صوب وكل حالٍ ماتغير حالها
تاريخنا بالعز مايبغى نقاش ولا جدال=يالعزوه اللي كل خلق الله تعرف افعالها
كل القبايل غيرنا فيهم صواريم الرجال=اللي تفاخر لا حظر وقت الفخر برجالها
ولا الهنوف اللي تمخطر مشيها لذبح الرجال=أما تجيني وتنحني ولابلاش أعنالها
يأبو تميم الناصري يامن رقى روس الطوال=يابن الرجال الوافيه والطيب ساس خصالها
عبدالمجيد اللي خويه ماشكى ضيم الليال=من شان حق صويحبه زم الحمول وشالها
أثنيت يمك حرفنا وأشتد فكري للثقال=كيف القصيم وجوها والغاط كيف أحوالها
كيف النواصر كيفهم والغاط وأخبار الحلال=من صيتها ياخوك ذربه طيب الله فالها
أشفق على الطيب شفاقه ياكريمين السبال=النار دايم موقده وتلقا عليها دلالها
جذبت دلوي ياصحيبي عقب فتلك يالحبال=أحوفهن حوف الجمال اللي تشيل اثقالها [/poem]
وسلامتكمَ
رد مع اقتباس
مواقع النشر (المفضلة)