--------------------------------------------------------------------------------
السسسسسسلام عليكم
طبعاً موضوعي اليوم موضوع غييير وقصته حلوووه << زي صاحبته
المهم بينما وانا اتجول بهالمنتديات ومن منتدى لي منتدى اعجبني احد المنتديات وشدني اكثر الاستايل
والدجه اللي فيه من صاحب المنتدى لين اصغر عضو المهم قرأت بعض المواضيع عندهم والبعض
ماقدرت الا اذا سجلت عاد هذي اكره حاجه عندي
المهم قلت يابنت ليه ماتتعوذي من ابليس وتسجلين وحطيه بعد بالمفضله يمكن ينفعك مستقبلاً<<لا ياشيخه
المهم واضغط على كلمة تسجيل وينقلني لصفحة الشروط << احلفي
عاد الشروط هذي اتحدى اذا فيكم احد يقرأها
على طول اشر بالمربع اللي تحت وانطلق لا والحين صارت بعض المنتديات مجهزه لك السهم خلاص
المهم انا كنت بأشر بالسهم وانطلق لكن لاحظت كلام غريب بالشروط حقتهم فقررت اني اقرأها بس
قرأتها وانواع الضحك
وحلفت بعدها اني لأسجل كرمال هالشروط بس ومن قرأت الشروط غسلت يدي من المنتدى واللي فيه
يلا عاد طولت عليكم وضيعت عليكم حلاوة الموضوع..
انا لطشت لكم الشروط وانتم أقرأوها واحكموا بأنفسكم..
7
7
7
7
(قواعد المنتدى)
لازم توافق على شروط دجـتنا ، قبل تصير داج .. :
(شروط الدجـــه)
والشروط هي ..
1- اللي يسب اي واحد من الاعضاء نبي نجيبه وبنربط حواجبه في صدامات الددسن وبنروح ونطعس
فيه باقرب طعس همني قايلكم حنا ما نلعب
2- لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم .. واللي بيقلبها سب ... عز الله ان امه داعيه عليه ... لاني ابحتريه وقت صلاة الفجر بالعجرء وابشخمط وجه وابخليه يغني اغنية... خروفي خروفي لابس بدله صوفي ... له عينين واربع رجلين ... من كثر ما امحطه بالعجرء ..... همني قايلكم حنا ما نلعب
3- اللي بيخربط بالدين ولا بالسياسه.... هذا عذابه عذاب ابخليه يتخيل انه قرد ولا عمره ذاق موز.... وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وابحذفه على خوص نخله... علشان ما يتعود لها همني قايلكم حنا ما نلعب
4- انتم اعضاء لكم تكتبون بس.... ولااحد فيكم يسوي لي فيه مراقب مانبي مراقبين.....فهمتوا ولا افهمكم...
5- مسموح الذب... والذب هي كلمه آتيه من الذباب وهي فعل مضارع جمع تكسير مضارع بسيط... فهمتوا...صح ولا ماهو صح... قولوا صح لابارك الله بالساعه اللي جمعة هالخشش فيها... واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر.... ايه تسعطعش...منتدانا وحنا حرين فيه
6- ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر... ليه ما سموها كلمة خشم ولا ضرس ولا مصران احول قصدي اعور..... طبعا قايلكم منتدانا وحنا حرين فيه
8- اللي بيسجل باسماء قبايل وعوايل... ولا مخله بالادب.... هذا بنوديه لا اقرب شيخ وبنكويه مع علباه... وبعدين بناخذه لا اقرب قليب... وبنغطسه وبنطلعه... ونغطسه ونطلعه الين ماهي خلف الين مايقول.... اشهد ان الددسن سياره... واشهد ان الاقلاع ما هو بالشطاره ولا بالمصاله.... .الاقلاع فن يا هوووووه واشر لي بالمنديل يا هووووه قال انا ماشي.... اقول لا تكثر بربستكم يا هوووه.... وش هالمسكه الغلط..... همني قايلكم ما نلعب...
9-قريتوا الشروط........هاه عجبتكم.... فهمتوها... طيب ما عندنا تسجيل هالايام... .واللي يبي يسجل معنا يرسل لي ايميل على التلفون حقي اللي ماني ذاكره لكم... لان الدعوه عناد... واللي براسه حب ما انطحن.... تراي ابطحنه له.... واذا فيه خير يقابلني وين ما بغى عند الصمان ولا ديراب ولا بالشرقيه ولا بأي محل....
10- كلنا عيال منتدى وكلن يعرف خيه...
11- تراني طمرت الرقم سبعه ..كيفي ولا واحد يفتح فمه احط الشروط الي ابي ..همني قايلكم حنا ما نلعب
12- اذا منت بمسجل دق ريوس وعود للصفحة الرئيسية هع هع لا أمزح سجل وفلها قسم بالله فلللله الله حيهـ ..
هاه وش رايكم بالشروط اللي زي كذا بصراحه تخليك تسجل غصب عن خشمك وخشم اللي جنبك..
اتمنى عجبتكم..
مواقع النشر (المفضلة)